Բլոգի Արխիվ

Սլեքլայն (Slackline) – Քայլք ազատ ճոպանի վրայով

Բարեւ, ուրեմն ստիպված եմ նորից ներողություն խնդրել բոլորիցդ իմ այսքաաաաաաաան պասիվ լինելու համար:

Ծառից ծառ մենակ չեն թռչում :Ճ

Իրականում ես պասիվ էի միայն բլոգի հաշվով, իսկ մնացած տեղերում ես դաժե մի քիչ գերակտիվություն էի ցուցաբերում: Նախընտրական ու ընտրական պրոցեսներն ինձ վրա եւս իրենց նեգատիվ ազդեցությունը թողեցին, եւ ես նորից բլոգս աչքաթող էի արել:

Ինչեւէ, այսօր, ավելի ճիշտ արդեն երեկ, մի լավ միջոցառում տեղի ունեցավ Վանաձորում: Երեկ Հայաստանի ալպինիզմի ֆեդերացիայից մի քանի երիտասարդ ընկերներ եկել էին մեզ ծանոթացնելու մեզ համար բոլորովին նոր ու ինչպես լոռեցիներն են ասում՝«խամ» սպորտաձեւի հետ, որի անունը Սլեքլայն է (Slackline): Դասընթացը կազմակերպել էր “Lori Travel Club” ակումբը: Այն ինչպես եւ Բիաթլոնը, լայն տարածում ու մասսայական հետաքրքրվածություն է վայելում ամբողջ աշխարհում, բայց Հայաստանում գրեթե հայտնի չէ, ինչը շատ ցավալի է…

Սլեքլայն թարգմանաբար նշանակում է «slack – թույլ, line – գիծ»: Բուն էությունը կայանում է նրանում, որ լարախաղացը քայլում, կամ վարժություններ է կատարում ազատ ժապավենի վրա: Այն շատ նման է բոլորիս հայտնի «Քյանդրբազ»-ին: Էն որ բակերում գալիս ելույթ էին ունենում փահլեվանները, ու էն երկար բեղերով յալանչին էլ ուրախացնում էր մեզ ու փող հավաքում: Մի տարբերություն կա սրա ու սլեքլայնի միջեւ… Սլեքլայնում լարախաղացը ճոպանը, կամ ժապավենն է ոտքով բերում իր մարմնի ծանրության կենտրոնին, ոչ թե իր մարինն է հարմարեցնում լարի հետ:

Ամբողջ աշխարհում արդեն 30 տարուց ավել է, ինչ լայն տարածում ունի այս սպորտաձեւը: Ամեն ինչ սկսվել է Կալիֆորնիայում 80-ականների սկզբներին, երբ Ադամ Գրոսովսկին եւ Ջեֆ էլլինգտոնը սկսել են քայլել ավտոկայանատեղիները շրջապատող շղթաների վրայով: Հետագայում օգտագործվել են հատուկ ձգվող պարաններ: Այն սկզբից լայն տարածում է գտել հովտային ժայռամագլցողների շրջանում, այնուհետեւ ողջ աշխարհում:

Սլեքլայնի 3 հիմնական տարատիպերն են՝ Լոուլայնը, Ուոթերլայնը եւ Հայլայնը (չէ մի չէ բիլայնը :Դ) : Լոուլայնի դեպքում ճոպանը լինում է գետնից շատ քիչ բարձրության վրա, եւ լարախաղացը ապահովագրության կարիք չի ունենում: Ուոթերլայնը նույն սլեքլայնն է՝ ուղղակի մակերեւույթից մի քիր բարձրության վրա: Իսկ Հայլայնը լինում է գետնից կամ ջրի մակերեւույթից շատ բարձր, եւ այս դեպքում

Արա-արա-արա….աաաաաաաաաաաաաաաաաաա

ապահովագրումը պարտադիր է:

Հայլայնի ռեկորդը սահմանվել է 2006 թվականի Օգօստօսի 3-ին Քրիստիան Շոուի (Christian Schou) կողմից Նորվեգիայում՝ Կյեռագի բարձրավանդակի վրա՝ 1000 մետր…

Ամենաերկար Սլեքլայնի ռեկորդը սահմանել է գերմանացի Ստեֆան Ջունխանը (Stefan Junghannß), ով 2009 թ-ի Մարտի 16-ին անցել է 2օ3 մետր:

Էսքանն ըստ Ուիքիփիդիայի Սլեքլայնի մասին…

Հուսով եմ այս սպորտաձեւն իրոք լայն տարածում կգտնի Հայաստանում: Վերջապես մենք հոմ մենակ Շախմատ չի, որ լավ ենք խաղում: Մենք ճկուն էլ ենք, մենք կարանք այս սպորտաձեւում լավ հաջողություն ունենալ, հեչ որ չլինի, հավես ա շատ… էսօր իրոք կայֆ էր… Ճիշտ ա ծնկներիս մենիսկի պատճառով ես զրկված եմ այս հաճույքից, բայց նայելն էլ արդեն հերիք է, որ զգամ, թե ինչ թույն բան ա ինքը…Վերջում էլ մի քանի վիդեո կդնեմ, որ ավելի պարզ ու ավելի դինամիկ լինեն տպավորությունները…

[jwplayer mediaid=”944″]

[jwplayer mediaid=”943″]

[jwplayer mediaid=”938″]

Առողջ ապրելակերպ, մաս 1-ին (էլ չեմ ծխում)

Ժամանակին կատուն ճոն էր, իսկ ես ծխում էի, այն էլ ինչ ինտենսիվությամբ․․․

Կյանքում ամենամեծ սխալներից մեկը այն էր, որ ես մի քանի տարի առաջ, ոգեւորված պատանեկան ազատություններից ու այլեւայլ մեզ շատ հայտնի պատճառներից, սկսեցի ծխել։ Ասեմ , որ սկզբնական ժամանակաշրջանում շատ հաճելի էր, ու միշտ ինձ թվում էր , որ երբ ուզենամ , կթողնեմ այն։ Բայց, արի ու տես, որ ամեն ինչ շատ լուրջ էր․․․ Իմ կախվածությունը ծխախոտից գնալով խորանում էր, ու ես ել ավելի էի խրվում այդ թույնի մեջ։

Ինչեւէ անցավ մոտ 6 տարի, ու ես հլա դեռ ծխում էի։ Մի քանի անգամ եղել են թողնելու փորձեր, որոնցից մեկը կարծես թե ստացված էր․ 4 ամիս թողեցի ծխելը, բայց նորից սկսեցի ծխել, սկսեցի, որովհետեւ ցանակացա սկսել, այլ ոչ թե ինչ-որ պահանջ կար։ Այդպես եւս շարունակվեց մոտ մեկ ու կես տարի։ 2011-ի դեկտեմբերն էր; Արդեն անհնար էր եւ՛ ծխելը, եւ՛ չծխելը։ Առողջականս գտնվում էր քայքայման եզրին, ես ինձ գիտակցաբար կործանման էի տանում՝ օրական մեկ տուփ շատ թունդ ծխախոտ ծխելով։

Որոշեցի թողնել ծխելը, այս անգամ վճռականությունը մեծ էր։ Ես մի գիշերվա մեջ ծխեցի այնքան , ինչքան նորմալ ծխողը 1, կամ 2 օրում, ու առավոտյան գլխացավից ու անչափ տհաճ զգացողություններից դրդված այդ օրը չծխեցի եւ ոչ մի հատիկ ծխախոտ, իսկ դա արդեն մեծ ձեռքբերում էր։ Հետո  եւս  մեկ օր անցավ, բայց ես դեռ չէի ծխել, չնայած որ  համբերությունս արդեն հասնում էր իր գագաթնակետին։ Պետք էր մի բան անել։Սկսեցի ինքնստինքյան շատ ուտել, շատ քայլել, շատ զբաղվել ուրիշ բաներով, ու , իհարկե , զբաղվել սպորտով , կամ գոնե ինքնուրույն վարել առողջ ապրելակերպ։ Քանի որ շատ եմ սիրում դահուկային սպորտը , ես սկսեցի հաճախել դահուկային մարզադպրոց՝ սիրողական դահուկավազքով զբաղվելու։ Աննկարագրելի հաճույք է , երբ շնչառությունդ, էներգիադ ու ուղեղդ միշտ գտնվում են լավ վիճակում, ու դու զգում ես , թե ինչքան թեթեւ ու առողջ ես այդ պահին։

Այդպես էլ թողեցի մարդկության ամենամեծ չարիքներից մեկը՝ ծխելը։ Ու հիմա վստահ ասում եմ բոլոր նրանց , ովքեր հլա դեռ ծխում են- «Թողե՛ք ծխելը ու ընդամենը մի քանի ժամերի ընթացքում ձեր կյանքն ու ապրելակերպը կտրուկ կսկսի փոխվել, դուք ձեզ կզգաք էլ ավելի լավ, քան զգացել եք մինչեւ ծխելը, քանի որ այդ պահին դուք կլինեք կամքի ուժ ունեցող, պինդ ու առողջ»։