Բլոգի Արխիվ

Breaking bad – Во все тяжкие – Ամբողջ ծանրությամբ (Tv series)

Բարեւ բոլորին՝

Ներողություն եմ հայտնում պասիվությանս համար: Ինչ արած , մի քիչ ծույլ եմ էս հարցերում: Քանի դեռ Հին Նոր տարին չի Breaking Badանցել, շնորհավորում եմ բոլորիդ Նոր տարին, ցանկանում ամենալավն ու բարին…

Էսօր կխոսեմ  մի սերիալի  մասին, որն ինձ խորհուրդ է տվել դիտել իմ լավ ընկերներից մեկը՝ Դավիթը, ինչի համար անչափ գոհ եմ իրենից: Ու մնացածին էլ խնդրում եմ լավ սերիալ հանդիպելու դեպքում ժլատություն չանել ու առաջարկել այն, քանի որ շատ եմ սիրում լավ ֆիլմեր ու սերիալներ:

Մի խոսքով. Սերիալի անունը «Breaking bad» (Во все тяжкие / Ամբողջ ծանրությամբ*) է, որը պատմում է քիմիայի ուսուցիչ Ուոլթեր Ուայթի (Bryan Cranston)մասին, ով 50 տարին նոր բոլորած՝ իմանում է, որ ունի թոքերի չարօրակ քաղծկեղ եւ ունենալով ֆինանսական ու կենցաղային խնդրիներ, հաշմանդամ երեխա եւ 2-րդ երեխային սպասող կին, որոշում է զբաղվել մետանֆիտամինի պատրաստմամբ, որպեսզի լուծի իր բոլոր խնդիրները: Նա սկսում է համագործակցել իր նախկին աշակերտներից մեկի՝ Ջեսի Փինքմանի (Aaron Paul)հետ, ով նույնպես զբաղվում էր մետանֆիտամինի պատրաստմամբ: Սակայն թմրանյութերի դեմ պայքարի բաժնի կատարած օպերացիաներից մեկի Bannerընթացքում ձերբակալում են նրա գործընկերոջը , որից հետո էլ ուսուցիչն առաջարկում է համագործակցել…Այսքանը սյուժեից…

Սերիալը եթերում է 2008 թվ-ից , այժմ ընթանում է 5-րդ եթերաշրջանի ցուցադրությունը, որի առաջին 8 էպիզոդները ցուցադրվել են 2012-ին, իսկ երկրորդ 8 էպիզոդները կցուցադրվեն այս տարի: Ավելի շատ ինֆորմացիա կարող եք գտնել այստեղից ու այստեղից:

Հլա որ 2 էպիզոդ եմ դիտել, ու ասեմ, որ շատ հեշտ ա նայվում: Դպրոցում քիմիա առարկան չեմ սիրել :Ճ, բայց ինձ թվում ա սրա միջոցով գոնե մի քիչ կհետաքրքրվեմ: Դե էլ բան չեմ ասի, փոխարենը սա կփակեմ ու կանցնեմ նայելու :Ճ :

Ում հետաքրքրեց, ուզում ա նայի, խնդրեմ՝ սա օնլայն տարբերակը, իսկ ով էլ սովորություն ունի քաշի նոր նայի , խորհուրդ եմ տալիս փնտրել այստեղ:

* Վերնագրի հայերեն թարգմանությունն ուղղակի թարգմանություն է, ով ունի ավելի լավ առաջարկ, խնդրում եմ քոմենթել.

Հաջողություն…

Dexter – ի սերիական մարդասպանները

Բարեւ,

Դեքստեր (Dexter) սերիալի մասին կարելի է անդադար խոսել ու գրել: Շատ բան կա ասելու, սակայն որոշեցի սկսել հենց սերիալին հիմնական դրայվ տվող կերպարներից՝ սերիական մարսասպաններից, որոնք մեկը մյուսին հաջորդելով լարվածության մեջ են պահում դիտողին: Գնացինք՝

1. Սառցե մարդասպանը (The ice truck killer)

Կեղծված անունը՝ Ռուդի Կուպեր, իրականում Բրայան Մոուզեր: Դեքստերի եղբայրը: Սերիական մարդասպան, ով սպանում էր մարմնավաճառների, արնաքամ էր անում եւ փաթեթավորված տեղադրում Մայամիի տարբեր մասերում: Սպանվում է Դեքստերի կողմից:

2. Մսավաճառը Բեյ Հարբորից (The Bay Harbor Butcher)

Նույն ինքը՝ Դեքստեր Մորգանը: 2 գանձ փնտրողներ օվկիանոսի հատակից գտնում են Դեքստերի զոհերի մարմինների մասերը՝ սեւ տոպրակների մեջ փաթաթված: Մայամիի ոստիկանությունը մարդասպանին տալիս է «Մսավաճառը Բեյ Հարբորից» կեղծանունը: Ի ուրախություն Դեքտերի՝ Սերժանտ Դոքսի մոտ հայտնաբերում են այն տուփը, որում Դեքստերը պահում էր իր զոհերից վերցրած արյան նմուշները եւ կարծում են, թե հենց նա է «մսավաճառը»: Իսկ «Անանուն թմրամոլների» ակումբում Դեքստերի խնամակալ Լայլան հայտնաբերում է Դոքսին՝ գերի ընկած մի տան մեջ եւ իմանալով, որ Դեքստերն է հենց իրական «մսավաճառը», պայթեցնում է այդ տունը: Այսպիսով վերջնականապես փակում են «մսավաճառի» գործը՝ հաստատելով Դոքսին որպես մարդասպան:

3. Մորթեգործ (The Skinner Killer)

Ջորջ Քինգ՝ այգեգործ, ով մշակում էր արմավենիներ: Նա իր զոհերից պոկում էր մաշկի հատվածներ: Սպանում էր նրանց, ով մոտ էր թմրանյութ վաչառող Ֆրիբոյին, ով իրեն փող էր պարտք: Ոստիկանությունը սկզբից մտածում էր, թե իրականում Ֆրիբոն է հենց «մորթեգործը», բայց Դեբրան նկատում է, որ բոլո զոհերի տան մոտակայքում արմավենիները մշակված են լինում եւ այդպես սկսում են կասկածել հենց Քինգի վրա: Սակայն մինչեւ ոստիկանությունը հասնում է Քինգին, Դեքստերն արդեն նրան գտնում ու սպանում է ու երկրորդ հարկից գցում ոստիկանական մեքենայի վրա՝ սարքելով իբր Քինգը մահանում է մեքենայի վրա ընկնելուց հետո:

4. «Եռյակ» մարդասպանը (The Trinity Killer)

Դաշնային բյուրոյի (FBI) հատուկ գործակալ Լենդին թոշակի անցնելուց հետո նորից այցելում է Մայամի մի մարդասպանի հետքերով, ով ըստ իր վարկածի՝ սպանում է հատուկ ցիկլով՝ բաղկացած 3 զոհերից (աղջիկ, 2 երեխաների մայր կին, 50նն անց տղամարդ): Դրա համար էլ նրան անվանում է «Եռյակ»: Դեքստերը շատ արագ պարզում է, որ մարդասպանը Արթուր Միտչելն է՝ ուսուցիչ, օրինակելի ընտանիքի հայր, ով ժամանակ առ ժամանակ մեկնում է կամավորական շինարարության: Դեքստերը մոտիկանում է Արթուրի հետ՝ ներկայացնելով իրեն որպես Քայլ Բաթլեր: Փորձում է հասկանալ, թե ինչպես է նման մարդասպանը կարողանում լավ ընտանիք ունենալ ու ապրել նորմալ կյանքով: Այդ ընթացքում Լենդին գլխի է ընկնում «եռյակի» հերթական սպանության վայրը, իսկ դրա դիմաց նա պատահմամբ հանդիպում է Արթուրին ու նրա շփոթվածությունից կասկածում է նրա վրա: Լենդիի ու Դեբրայի վրա կրակում են, որից Լենդին մահանում է: Հետագայում պարզվում է, որ դա Արթուրի աղջիկն է արել՝ փորձելով օգնել հորը:

Ընթացքում պարզ է դառնում, որ Արթուրը իրականում սպանում է 4-ական ցիկլով. առաջին զոհը լինում է 10 տարեկան տղա, ում նա միշտ թաղում է շինարարության բետոնի մեջ, դրա պատճառով էլ ոչ մի անգամ չեն գտնում առաջին զոհերին: Դեքստերը վերջին երեխային փրկում է: Պարզ է դառնում Արթուրի սպանելու իրական պատճառները. նա 10 տարեկան հասակում քրոջը լողանալուց թաքուն նայելուց է լինում, քույրը տեսնելով իրեն, վախից սայթաքում է եւ ջարդված ապակու կտրվածքից մահանում է: Մայրը ինքնասպան է լինում դրա համար, իսկ հայրը միշտ հալածելիս է լինում Արթուրին՝ մեղադրելով քրոջ ու մոր մահվան մեջ: Արթուրը նրան էլ է սպանում: Այսպիսով ամեն անգամ սպանելով Արթուրը «բեմադրում » է իր հետ կատարվածը: Ի վերջո Դեքստերին հաջողվում է սպանել Արթուրին, սակայն Արթուրի հետ հաշիվները մաքրելուց հետո տուն վերադառնալով հայտնաբերում է կնոջը՝ Ռիտային, սպանված լոգարանում, իսկ երեխային՝ արյան «լճի» մեջ նստած: Ռիտան դառնում է Արթուրի վերջին զոհը:

5. «Խումբը» (The Barrel Girls Case)

5 մակնական ընկերներ, որոնք մարմնավաճառներին տանջանքների են ենթարկում, բռնաբարում, սպանում եւ վերջում նրանց մարմինները տեղադրելով ֆարմալինով լի թիթեղյա տարրաների մեջ՝ գցում են ճահճի մեջ: Նրանց առաջին զոհը լինում է դպրոցական ճամբարում: Նրանց լիդերը Ջորդան Չեյզն է՝ հայտնի հռետոր, ով հենց դրդում է մնացածին բռնություններ կիրառել այդ աղջիկների վրա: Վերջին՝ 13-րդ աղջկան հաջողվում է ողջ մնալ. նրան փրկում է Դեքստերը տղաներից մեկի՝ Բոյլ Ֆաուերին սպանելու ժամանակ: Լյումենը (13-րդը) օգնում է գտնել մնացածին եւ սպանել: Նրանցից մի քանիսին սպանում է հենց ինքը՝ Լյումենը:

6. Ահեղ դատաստանի օրվա մարդասպանը (The Doomsday Killer)

Մայամիում հայտնվում է մի մարդասպան, ով սպանում է հատուկ սցենարով. ամեն սպանություն վերցված է «բացահայտումների գրքից» եւ խորհրդանշում է դատաստանի օրվա գալուստը: Կասկածներն ընկնում են աստվածաբանության պրոֆեսոր Գելլարի վրա, սակայն հետագայում Դեքստերը պարզում է, որ Գելլարի օգնական համարվող Տրեվիս Մարշալը 3 տարի առաջ սպանել է Գելլարին եւ պահում է եկեղեցու նկուղում գտնվող սառնարանի մեջ: Իրականում հենց ինքն էլ կատարում է բոլոր սպանությունները: Դեքստերը մի քանի խորամանկ քայլերով ոստիկանությանը շեղում է ճիշտ ուղուց, որպեսզի ինքն անձամբ սպանի Տրեվիս Մարշալին: Պարզվում է, որ վերջին «բեմադրությունը» տեղի է ունենալու Մայամիի երկնաքերներից մեկի վրա, որտեղ «ընտրյալները» գառնուկի հետ պետք է հետեւեն արեւի խավարմանը: Ոստիկանությունը հսկողություն է սահմանում բոլոր երկնաքերների տանիքներում: Գառնուկի փոխարեն Տրեվիսը Դեքստերի տղային է վերցնում որպես զոհ, սակայն Դեքստերին հաջողվում է վնասազերծել Տրեվիսին եւ փրկել տղային: Տրեվիսը նույնպես դառնում է Դեքստերի հերթական զոհը:

Այսքանը Դեքստերի 6 եթերաշրջանների ընթացքում հայտնված սերիական մարդասպանների մասին: Սա դեռ բոլորը չէ, քանի որ էպիզոդային շատ մարդասպաններ ու չար դեմքեր են հանդիպում, ես ընտրել էի գլխավորներին:

Խորհուրդ եմ տալիս դիտել, ով չի դիտել, շատ բան է կորցրել…

Բանակն արդեն մեծ տղա է դարձել․․․

Դու զինվոր ե՛ս , դու կարեւոր ե՛ս։ Շատ սիրուն ու ճիշտ խոսքեր են։ Հանրային ալիքով հենց հիմա «Գեներալի աղջիկ» սերիալն ա գնում։ Սերիալի տեսարաններից մեկն էր, երբ գեներալը զինվորներից մեկի հետ ճաշարանում զրուցում է ու ոգեւորիչ խրատներ է տալիս։ Այնքան հետաքրքիր ու սիրուն էր խոսում այդ գեներալը, որ մի պահ ընկել էի երանությունների գիրկը․ ինձ պատկերացնում էի հզոր երկրի հզոր բանակում։ Բայց հանկարծ մի պահ հիշեցի Նախագահականի դիմաց ցույց անող Մայրերին, ու միանգամից հետ եկա ռեալ կյանք ու հասկացա, որ Հ1-ի «զակազնոյ» սերիալներից մեկն ա․․․

 Դե, քանի որ վաղը մեր Ազգային բանակի քսանամյակն է, ես էլ որոշեցի մի 2 բան գրել տոնի կապըկցու՛թյամբ (շեշտադրմանն ու բառի հեղինակային իրավունքը՝ Տիգրան Սարգսյանի ։Ճ)։

 Նախ շնորհավորում եմ մեր տղաներին, իրենց մաղթում առողջություն ու անվտանգություն, որն այս պահին ամենակարեւորն է։ Նրանց ծնողներին, հարազատներին ու ընկերներին, այդ թվում նաեւ ինձ, ցանկանում եմ անսահման համբերություն, ուժ ու կամք։ Հայրենի սահմաններին խաղաղություն եւ «անզեն» կյանք՝ որքան հնարավոր է։ Իսկ ղեկավարությանն էլ՝ խիղճ, պատասխանատվության զգացում, սրտացավություն, խելք, դիվանագիտական լավ հմտություններ, մի խոսքով, այն ամենն, ինչ բացակայում է․․․․

 Սերիալի մեջի գեներալը մի շատ լավ խոսք ասեց – «Բանակը պատիժ կրելու տեղ չի, զինվորը 2 տարի ապրում ա , այլ ոչ թե պատիժ ա կրում»։ Ինչքաաաաաաան կուզենայի, որ սենց լիներ, ինչքաաաաան կուզենայի, որ այս սերիալը հենց իրենք՝ սպաները նայեին։ Միգուցե լսեին կինոյի գեներալին։ Այն ինչ հիմա է կատարվում , անթույլատրելի է, անհանդուրժելի։ Այսպիսի անպատժելիության մթնոլորտ, այպիսի խառը-մառը իրավիճակ, այսքան վատ-վատ դեպքեր ուղղակ ի անթույլատրելի են այն բանակի համար, որը որ ներկայացնում են տարբեր իշխանական ամբիոններից։ Այն բանակի մասին , որի մասին լսում ենք հենց ղեկավարության կողմից, երազում են Ամերիկան, Ռուսաստանը, տո հենց Թուրքիան ու Ադրբեջանը․․․ Համոզված եմ, որ վաղը էլի կխոսան մեծ-մեծ, էլի կդնեն կգովան, էլի գլուխները բարձր կկանգնեն, բայց հենց տեղը կգա, որ մահացած զինվորների մասին մի 2 բան ասեն,այդ ժամանակ նորից կլռեն, կամ էլ թեմաները կփոխեն։

 Այն ամենը, ինչ իրականում կատարվում ա ,մենք դա չենք տեսնում, ոչ էլ լսում ենք։ Մենք միայն պատվերով կինոներ ենք նայում, պատվերով համերգներ ենք լսում, պատվերով մարդկանց խոսքեր ենք լսում։ Պրոպագանդում են զենք,պատերազմ, կռիվ, ու մի շարք սենց բաներ։ ԲՈՒՀ-երից բանակ են տանում՝ թույլ չտալով նորմալ կրթություն ստանալ։ Երկրից հեռանալու համար ստիպում են տոմսիդ պատճենը տալ զինկոմներին․․․Մանկապարտեզից բռնցրած տարբեր միջոցառումներով զենքի պաշտամունք են իրականացնում՝ անունը դնելով «Հայրենասիրական դաստիարակություն»․․․ Մի խոսքով, չեմ ուզում բողոքեմ շատ։ Միայն մի բան կասեմ։ Ծառայել եմ , զգացել եմ , տեսել եմ ու լսել եմ այն ամենը, ինչը չի մատուցվում այսօր հասարակությանը, այսինքն ինձ եւ ձեզ․․

Իսկ վերջում, տոնին ընդառաջ կուզեմ մի քանի բառ ուղղել այն մարդկանց, ովքեր պատասխանատու են այն ամենի համար, ինչ կատարվում է բանակում՝

 «Երկուշաբթիից ուրբաթ «Աննայի» ժամին նոր բազմասերիանոց ֆիլմ՝ «Գեներալի աղջիկը», դիտե՛ք ԱՌՌՌԱՋԻՆ ԱԼԻՔՈՎ»։ Գուցե ֆիլմից մի 2 լավ բան ընդօրինակեք ու հասկանաք, որ լավ բան չեք անում։ Մեկ ա մի օր գալու ա , որ հասկանալու եք ամեն ինչ, բայց այդ ժամանակ ուշ կլինի։ Դրա համար քանի շուտ ա խելքի եկե՛ք ու ապրե՛ք ըստ ձեր «զակազ» տված սցենարների։

Հ․Գ․ Ամեն ինչ չի , որ զենքի ու կռվի հաշվին կարելի է հասնել։ Խաղաղություն մեզ եւ մեր բանակին։

[jwplayer mediaid="700"]

 

Տեսանյութի հեղինակ «Խաղաղության երկխոսություն» ՀԿ