Բլոգի Արխիվ

Պետք է լինի այլ ճանապարհ (There must be another way)

Բարեւ՛, ինչ իմացել եմ, որ Հայաստանը չի մասնակցում այս տարի ԱԴՐԲԵՋԱՆՈՒՄ կայանալիք Եվրոտեսիլին, տեղս չեմ գտնում: Հա ասում էի գրեմ սրա մասին, բայց դե մի կերպ ինձ պահում էի, քանի որ չէի ուզում միշտ նեգատիվ ու բողոքողի տպավորություն թողնել: Բայց այս հոդվածը կարդալուց հետո չդիմացա. որոշեցի վսյո տակի մի 2 բան գրել սրա մասին:

Մեջբերում հոդվածից՝

Երգչուհի Նունե Եսայանի խոսքով` եթե այդ դեպքը չլիներ էլ, էլի այդ հայտարարությունը կարվեր. «Դեպքերը տարիներ շարունակ են եղել են, ու այդ ամենը բոլորովին կապ չունի մեր հայտարարության հետ։ Տեքստի մեջ նշվել էր, որ այսօր նման բան էլ է լինում, բայց հենց կոնկրետ այդ դեպքի համար չեմ ստորագրել ես։ Կոնկրետ ես ստորագրել եմ, որ ի սկզբանե դեմ եմ եղել, մինչև հիմա էլ դեմ եմ։ Այսինքն, ես ընդհանրապես դեմ եմ, որ մեր ազգից որևէ մեկը ոտք դնի այդ հարևան պետություն։ Նույնիսկ սպորտսմեններն էլ չպետք է գնան, իմ կարծիքով»:

Նունե Եսայանից «ՀԺ»-ն նույնպես հետաքրքրվել է, թե արդյոք ինքը զինվորի սպանության պատճառով պատրաստվու՞մ է բոյկոտել հայկական միջոցառումները. «Այնքան տենց բաներ կան, որ պետք է բոյկոտել։ Մենակ էս դեպքը չի։ Ուղղակի չգիտեմ, թե մեր փոքրիկ խումբը ինչքանով կարա ինչ-որ բա փոխի, բայց՝ իհարկե։ Կարելի է և այդպիսի բան անել։ Ամեն ամիս նման դեպք է գրանցվում, ամեն ամիս ինչ-որ մարդիկ նկատողություն են ստանում, հեռացվում են, բայց այս դեպքերը էլի կան։ Դա շատ վատ է, շատ»։

Առաջին հերթին ներվայնանում եմ այն բանից, որ մի քանի հոգի նստում ու որոշում են, ստորագրում են, վերջում էլ պեչատում են նման կարեւոր որոշումները: Այ ձեր ցավը տանե՛մ, էդ Եվրոտեսիլը հոմ մենակ ձեզ համար չի՞: Մենք ենք նստում գիշերվա ուշ ժամին նայում, բալետ անում , հետո փող ծախսում, քվեարկում սրա կամ նրա օգտին: Ժողովրդական արտիստներ ջա՛ն, բա ժողովուրդը իրավունք չունի՞ իր կարծիքն արտահայտելու: Չի կարելի չէ, մենք սրտատրոփ սպասում ենք Եվրոտեսիլին, մեկ էլ ՀՈ՛Պ, մի քանի երգիչներով դնում եք ու բոյկոտում:

Անցնենք առաջ: Մենք բոլորս էլ լավ տեսնում ու լսում ենք, թե ինչ ա կատարվում այսօր մեր բանակում, մանավանդ շփման գծում, հա՛, ցավոք, տարին դեռ չսկսած, արդեն շուրջ տաս ընտանիք ողբում է: Էդ մենք էլ ենք նկատում: Բայց երգիչներ ու երգչուհիներ ջա՛ն, էդ որ տենց բոյկոտեցիք, դրանից բան չփոխվեց: Հաստատ Ալիեւը դրանից սիրտը չբռնեց ու ասեց «Վե՛րջ, սրանից հետո ոչ մի կրակոց, ոչ մի սպանություն, ամեն ինչ լուծում ենք, որ հայերը գան Եվրոտեսիլ»: Տենց բան չկա՛, ձեր ցավը տանեմ: Ընդհակառակը, եղած լարվածություն էլ ավելի եք սրում: Համ էլ մեր բանակում ոչ միշտ են հակառակորդի գնդակից սպանվում, դե բա խոսացե՛ք, ինչի՞ չեք խոսում:Երբ բողոքի ցույցեր են լինում ինչի՞ չեք գալիս ու ասում ձեր բողոքի խոսքը: Երեւի սպասում եք, որ Հայաստանում Եվրոտեսլի լինի, դուք էլ բոյկոտեք :Ճ

Ամբողջ աշխարհը էսօր կոնֆլիկտի մեջ ա, նենց չի որ մենք միակն ենք: Բայց մշակույթն ու սպորտը մեծ գործիքներ են այդ կոնֆլիկտների լուծման համար: Օլիմպիական խաղերի ժամանակ դեռ էէէէէէէէէէէէէէէէէէէէէէէէէէէէն հին ժամանակներից դադարեցրել են պատերազմները: Եվրոտեսիլների միջոցով երկրներն անգամ քաղաքական ֆինտեր են անում: Օր՝ Թուրքիան մեզ բարձր ա գնահատել, որ Եվրոպայի աչքը մտնի եւ այլն…. Իսկ դուք դրել բոյկոտում եք: Քիչ չի բոյկոտում եք, հլա մի բան էլ սպորտսմեններին եք խորհուրդ տալիս.. ծըծըծը…

Հիմա մի քիչ հայրենասիրական մտնեմ, որ հանկարծ չմտածեք, թե էս տղեն «ազգի դավաճան» ա: (ի միջի այլոց այս պիտակն էլ եք դարձրել բերնի ծամոն, ով ում վրա հասցնում, առանց մտածելու կպցնում ա): Մենք սաղս պարծենում ենք, որ Բեռլինում քոչարի են պարել հայերը՝ ցույց տալով իրենց հզորությունը: Կռիվ գնալուց երգել են մեր նախնիները, երգով հաղթել ենք զենքին եւ այլն եւ այլն: Աաաաա,ստորագրելուց մոռացել էիք երեւի: Բա Բաքվում թնդացնեիք մեր երգերը, որ իմանան, որ «հային կոտրել չի լինի»: Լավ չի էլի… այ որ ժողովրդին հաշվի առնեիք, բալքիմ մարդիկ էլ հիշեցնեին ու խորհուրդ տային: Կամ էլ էնքան դեմք եղնեիք, դուք հաղթեիք, թող ազերիները մտածեին բոյկոտելու, կամ չբոյկոտելու մասին: Չեք կարում: Ստորագրողների մեծ մասը Եվրոտեսիլում մասնակցած «աստղերն» էին, որոնք գնացել ու չէին կարեցել հաղթել, իսկ հիմա էլ դրել ու բոյկոտել են:

[jwplayer mediaid=”687″]

 

Վերջում էլ մի քիչ Եվրոտսիլի պատմությունից: 2009 թվականին Մոսկվայում տեղի ունեցավ Եվրոտեսիլի 54-րդ մրցույթը, որտեղ Իսրայելը ներկայացավ յուրօրինակ դուետով. Հրեա Նոան եւ արաբ Ավադ Միրան միասին ներկայացրեցին Իսրայելը Եվրոտեսիլում: Ավադ Միրան դարձավ առաջին արաբը, ով ներկայացրեց Իսրայելը Եվրոտեսիլում:

Շուրջ մեկ դար է, ինչ գոյություն ունի Իսրայել-Պաղեստինյան կոնֆլիկտը: 1948 թվականից մինչեւ 2009 թվականների ընթացքում զոհվել է շուրջ 14,500 մարդ: 1987 թվականից մինչեւ 2010 թվականը կոնֆլիկտային շրջաններում զոհվել են շուրջ 10.000 չզինված քաղաքացիներ, որոնցին շուրջ 2000-ը անչափահասներ են: Այդ թվերի աճը կանգ չի առել, կոնֆլիկտը լուծված չէ, բայց 2009 թվականին Եվրոտեսիլում երգի միջոցով փորձ արվեց հասկացնել 2 կողմերին եւ ամբողջ աշխարհին, որ «Պետք է լինի այլ ճանապարհ»՝ «There must be another way»՝

[jwplayer mediaid=”690″]

 

Հ.Գ.  Աշխարհը խաղաղության կարիք ունի, ու դրան հասնելու համար Եվրոտեսիլներն ու դրա նման շատ միջոցառումները կատարում են ահռելի օգտակար աշխատանք: Ինչպես Իսրայելն ու Պաղեստինը, այնպես էլ մենք ու մեր «հակառակորդները» հոգնել ենք սպանելուց ու սպանվելուց: Պետք ա լինի ուրիշ ճանապարհ, բայց հավատացեք բոյկոտելն ու հակառակվելը չի: Ամեն բան պետք է օգտագործել՝ ի օգուտ կոնֆլիկտի խաղաղ կարգավորման:

Խաղաղությու՛ն բոլորիս

Անեկդոտ սատանայի ժողովի մասին

Վերջին օրերին համացանցում եւ այլուր թեժ քննարկումներ են գնում Մաշտոցի այգու պաշտպանության նստացույցի ու մնացած ակցիաների ակտիվիստ Բայանդուր Պողոսյանի, ով մի քանի օր առաջ հացադուլ էր հայտարարել այգու պաշտպանության համար,  անձնական կյանքի, նրա գաղափարների վերաբերյալ: Մասնավորապես նրա սատանիստական հակումների մասին հնչում էին տարբեր կարծիքներ,անգամ վիրավորական խոսքեր: Ոմանք էլ , այդ թվում նաեւ ես, շատ նորմալ էինք ընդունում այն փաստը, որ նա այնպիսին չի, ինչպիսին մեծամասնությունն է, ու ընդհանրապես, այս պայքարում մարդիկ ներգրավված են այնքանով, որքանով նրանք հանդիսանում են ՀՀ քաղաքացիներ ու ունեն հավասար իրավունքեր: Ասյտեղ մեզ բոլորիս համախմբում է մի նպատակ ու մի գաղափար, մենք պայքարում ենք անօրինականություններիդեմ, մենք բնություն ենք պաշտպանում, մենք պաշտպանում ենք մեր իրավունքները, որոնք ամեն քայլափոխի ոտնահարվում են: Ու այդ պայքարում ներգրավված են տարբեր տիպի , տարբեր նախասիրություների , տարբեր կրոնական ու քաղաքական հայացքների տեր մարդիկ, բայց նրանք այդ ամեն ինչը մի կողմ դրած՝ փորձում են օգուտ տալ երկրին ու հասարակությանը:

Իսկ ահա նրանք, ովքեր ցանկացան ու ցանկանում են բիծ գցել այդ ամենի վրա եւ գտնում են, որ սատանիստները բարի գործ չեն անում, փորձում են ճնշել հասարակ քաղաքացիներին, նրանց համար մի անեկդոտ եմ ներկայացնում, որում պարզ երեւում է, որ իրական չարագործներն ու ձեր ասած «սատանաները» Բայանդուրի նման հասարակ քաղաքացիները չեն ու մյուս սատանիստները, այլ…… չեմ երկարում, կարդացե՛ք, կհասկանաք:

***

Մի օր սատանան իր մոտ է կանչում Կառավարչյանին, Օրենսդրյանին եւ Ղեկավարյանին՝ տեղեկանալու նրանց ծրագրերի մասին:

Սկսում է Օրենսդրյանից՝

սատանա – Ինչ ես՞ մտածել հայերի հարցը վերջնականապես լուծելու ուղղությամբ:

օրենսդրյան –  Դե այնպիսի օրենքներ ենք մտածել, որ մարդիկ ստիպված կթողնեն-կգնան երկրից, իսկ մյուս օրենքով մենք նրանց գնալու համար ֆինանս ու փաստաթղթեր կտրամադրենք, այդպիսով կլուծենք այդ հարցը մեկընդմիշտ:

սատանա – Ապրե՛ս, լավ բան եք մտածել, իմ պլանների մեջ կար դա… լավ ես աշխատում:

Օրենսդրյանին  լսելուց հետո դիմում է Կառավարչյանին

սատանա –  Դու ինչ կասես, կառավարությունն ինչ՞ բանի է:

կառավարչյան – Դեեեեե, մենք էլ հարկերն ենք բարձրացրել, ապրանքների գներն ենք ավելացրել, մանր-մունր բիզնեսներին էլ ենք անգամ նեղում, հետզհետե մարդիկ սովից կամ կմեռնեն, կամ էլ տուն-տեղ կծախեն ու կգնան ստեղից, դե Օրենսդրյանն էլ իրանց առոք-փառոք կվտարի:

սատանա – Մդաաաաաա, լավ ա լավ ա, չեմ սխալվել քո ընտրության հարցում:Շարունակի՛ր:

Հերթը հասնում է Ղեկավարյանին՝

սատանա – Դե հիմա դու ասա, երկրի ղեկավարն ես, տեսնեմ դու ինչ ես պլանավորել:

ղեկավարյան – Արի՛, ականջիդ ասեմ, ամոթ ա, բարձրաձայն չեմ ուզում ասել:

Սատանան ականջը մոտեցնում է, ու ղեկավարյանի քչփչոցից միանգամից վախեցած խաչակնքում ա, թե` մեղա քեզ, Տեր Աստված: :Ճ

***

Հ.Գ. մաս առաջին:  Եթե որեւէ մեկը քեզ նման չի, դա չի նշանակում, որ ինքը սխալ ա, կամ էլ մեղավոր:

Հ.Գ. մաս երկրորդ:   Եթե օգուտ չեք կարողանում տաք, ապա մի՛ խանգարեք:

Հ.Գ. մաս երրորդ:       Սատանա կա քաղաքում, բայց ոչ Մաշտոցի պուրակում: Իսկ եթե ուզում եք իմանալ թե որտեղ, խնրեմ , միացե՛ք մեզ , մենք շուտ-շուտ ենք երթով գնում այնտեղ, ձեզ էլ կտանենք…

Միացե՛ք Մաշտոցի այգու պահապաններին

Նկարը՝ Սիրանուշ Բաղդասարյանի

Ընդամենը մեկ ժամ առաջ համացանցում մի տեղեկություն տարածվեց, որ Մաշտոցի այգում նստացույց անող մեր ընկերներին չեն թույլատրել տոպրակներ կախել գլխավերեւում՝ տեղացող ձնից պաշտպանվելու համար։ 3 հոգի մոտեցել եւ սպառնացել է նրանց եւ պահանջել հանել տոպրակները։ Մերոնց մերժումից հետո այդ 3-ը կանչել են հարակից սրճարանի ոստիկաններին, որոնք նույնպես փորձել են ճնշում գործադրել մերոնց վրա։

Հիմա տեղեկություններ կան , որ մարդու իրավունքների պաշտպանի միջոցով հասել են նրան, որ տոպրակները մնան , քանի որ նստացույց անողներին թույլատրվում է։

Կարծես այսօր սկսվել է հիմնական բախումը, քանի որ վերջին մի քանի օրվա ընթացքում բոլորը սպասողական վճակում էին։ Բոլորը սպասում էին, թե Երեւանի քաղաքափետ պարոն-տարոն Մարգարյանն ինչ արձագանք կտա այս անօրինականությանը։ Երեկ քաղաքապետի հետ հանիպումից պարզ դարձավ, որ լավ մարդ չկա այնտեղ․ Քաղաքապետը իր չարաբաստիկ որոշումից հետ կանգնողը չի։ Դե իհարկե, դա էլ հենց պետք էր գազազած «Բուծիկատերերին»։ Հիմա նրանց լեզուն այսպես ասած երկար է, ու նրանք ամեն գնով փորձում են գործը հասցնել ավարտին։ Սկսել են ամենաթույլ կողմից- փորձում են ցրտի կամ ձյան ֆակտորն օգտագործել, սպառնալ՝ մերոնց «վրա մարդ բերելով»․․․․ Բայց դե մենք հոմ էդքան թույլ  չենք,  ավելին՝ մենք շատ ուժեղ ենք, թե՛  ֆիզիկապես, թե՛ հոգեպես (ԴՈՒԽՈՎ) , թե՛  խելքով եւ թե՛ հավատով։

Բոլորին կոչ եմ անում անհապաղ մեկնել Մաշտոցի այգի։ Սա բոլորիս հարցն է՝ անկախ նրանից, թե ով որտեղ է ապրում, ով որ քաղաքից ա։ Մենք ենք մեր եկրի տերը։ ՄԵՆՔ։ Եթե այսօր դեմ չկանգնենք, ապա վաղը մի ուրիշ այգի էլ կփչացնեն, հետո մի ուրիշն էլ կփչացնեն։ Էդպես փչացնելով կգան մինչեւ մեր գլխներին հասնեն։ Դրա համար էլ չենք սպասում – ԳՆՈՒՄ ԵՆՔ ՄԱՇՏՈՑԻ ԱՅԳԻ!!!

Տեղեկություններին կարելի է հետւել հիմնականում ֆեյսբուքյան հետեւյալ խմբերում՝

«ԹՌՉԿԱՆ» քաղաքացիական նախաձեռնություն

Փրկենք Թեղուտը – Save Teghut

Թվիթթերով հասանելի է #OccupyMashtotsPark հեշթեգը

Ինչպես նաեւ ինտերնետ սթրիմի միջոցով՝ ուղիղ հեռարձակում LiveStream

Այն ամենն, ինչ շողում է․․․

Բարեւ՛, վերջերս համացանցում փնտրում էի բաց շահագործվող հանքերի եւ պոչամբարների մասին տեղեկություն ու նկարներ եւ պատահական հանդիպեցի մի հոսվածի, որը գրվել էր մի կանադացու բլոգում, ով այցելել էր Ֆիլիպիններ՝ տեսնելու ու ուսումնասիրելու Կանադայի կողմից այնտեղ երկարաժամկետ շահագործման ենթարկված 2 բաց հանքերի տեղանքների ու այնտեղի բնակչության վիճակը։ Պատմությունը շատ հետաքրքրեց, քանի որ անչափ նմանություն կար մեր երկրում կատարվող իրադարձություններին։ Ավելի ճիշտ այս հոդվածը կարդալուց հետո ես պատկերացրեցի, թե ինչ է կատարվելու Հայաստանում ու մասնավորապես այն շրջաններում, որտեղ անխնա վնասում են բնությունն ու շահագործում մեր երկրի համար անթույլատրելի չափերի հանքեր։ Միանգամից որոշեցի այն թարգմանել եւ ներկայացնել ձեզ։ Թարգմանության զգալի մասը կատարեց իմ լավ ընկեր Սիրարփի Սահակյանը : Փորձեցի կապնվել հեղինակի հետ, սակայն արդեն մի քանի օր անցել է, բայց նա դեռ չի պատասխանել իմ նամակին, որի մեջ ես թույլտվություն էի խնդրել օգտագործել նյութը եւ   գրել էի Թեղուտի մասին ։

Մի խոսքով, թե ինչքանով է լավ ստացվել, գնահատեք ինքներդ, բայց հիմնական իմաստը ամբողջությամբ պահված է։

Այն ամենն ինչ շողում է

Հեղինակ Ալեքս Ֆելիպե։ 2009 թվական

Ընդունելը, որ ես Կանադացիեմ, երբեք այդքան դժվար չէր եղել, որքան այն ժամանակ ,երբ ես անցյալ ձմեռ ուղեւորվեցի Ֆիլիպիններ՝ լուսանկարելու Կանադային պատկանող 2 բացահանքերը։ Այն փաստն անգամ, որ ես նույնպես ֆիլիպինցու արյուն ունեմ, չօգնեց։

Ես գնացի Marinduque կղզի եւ այցելեցի ՝ Placer Dome ընկերության կողմից շահագործված Marcopper-ի հանքավայրը, որը սկսել էր շահագործվել 1969 թվականին։ Հանքը փակվել է 1996թ-ին Boac գետի աղտոտվածության պատճառով . աշխարհի ամենախոշոր հանքարդյունաբերական աղետներից մեկը, որտեղ ամբարտակի ճեղքվածքը լցվել էր 3-4 միլլիոն տոննա թունավոր, ծանր մետաղներով հարուստ մնացորդներով ։Կանադական հարկատուները Կանադական թոշակային ծրագրի միջոցով շուրջ 350 միլլիոն դոլլարի ներդրում են կատարել Marinduque – ի հանքում։

Ես գնացի տեղանք, որպեսզի աչքերովս տեսնեմ երկարաժամկետ հանքարդյունաբերության հետեւանքները։. Համեմատելու համար ես նաեւ այցելեցի Toronto Ventures Incorporated (TVI)-ին պատկանող հարավային մեծ կղզի Mindano-ում գտնվող Canautan սարի վրայի ավելի նոր հանքավայրը, որի շահագործումը սկսել էր 2005թ-ին։ Այդ տարի համայնքի ներկայացուցիչները մեկնել էին Կանադա, որպեսզի պարլամենտում խոսեին ընկերության կողմից Canatuan-ում մարդկային իրավունքների խախտումների մասին։ Լիբերալները պատասխանեցին՝ հանձնարարելով կոմիտեին ստեղծել ուղեցույցներ՝ Կանադական հանքարդյունաբերող ընկերությունների համար երկրի ներսում եւ արտասահմանում։Հետո նրանք մերժել էին կոմիտեի առաջարկները։ Չնայած համայնքի բողոքներին TVI-ը CIDA -ի կողմից կանադական ֆոնդերից ստանում է ֆինանսավորում՝ ծրագիրը իրականացնելու համար։ Կարդալ ավելին »

Բիաթլոնը մի քիչ թվերով․․․

Բիաթլոնի 2011/2012 մրցաշրջանը հատեց իր եկվադորը։ 7 մրցափուլ արդեն անցյալում են։ Մարզիկներն ու մարզուհիներն արդեն անց են կացրել ընդհանուր թվով 42 մրցավազք, որոնցից 34-ը անձնական, իսկ 8-ը՝ թիմային։

Մրցաշրջանի 7 էտապները անց կացվեցին Օստերսունդ – Շվեդիա, Հոխվիլցեն – Ավստրիա 2 էտապ, Օբերհոֆ – Գերմանիա, Նովե Մեստո – Չեխիա, Անտհոլց – Իտալիա եւ Հոլմենկոլլեն – Նորվեգիա քաղաքներում։

Հետաքրքիր ու սուր մրցաշրջանի խելահեղ ընթացքին հետեւելը ուղղակի հաճույք է։ 2 ամսից ավել է , ինչ ես պարտաճանաչ կերպով «ճանապարհորդում » եմ նրանց հետ։ Ոչ մի մրցում բաց չեմ թողել։Անգամ մեծ զոհաբերությունների եմ գնացել, որպեսզի ոչ մի վայրկյան բաց չթողնեմ։ Բլոգիս ընթերցողները գիտեն, որ ես  սկզբում մեկնաբանում էի մրցավազքերը։ Եթե հետաքրքրեց, կարող եք կարդալ այստեղ ։ Սակայն հետո դադարեցի մեկնաբանել, քանի որ հիմա ես լիովին տրվում եմ էմոցիաներիս ու չեմ կարողանում ընթացքում շարադրել մտքերս։ Բայց մի այլ սովորություն եմ ձեռք բերել․ Հիմա էլ սկսել եմ Թվիթերով մեկնաբանել մրցումների ընթացքը։ Այս մեկն ավելի հետաքրքիր ու հավես ա, քանի որ քեզ հետ 100-ներով օգտատերեր էլ են գրառումներ անում, ու դու քեզ մենակ չես զգում։ Թվիթեր օգտագործողներին առաջարկում եմ հետեւել #biathlon հեշթեգին, ինչու չէ նաեւ ինձ :

Մրցաշրջանի ավարտին մնացել է մեկ ամսից մի քիչ շատ, եւ առջեւում տարվա գլխավոր իրադարձությունն է՝ Աշխարհի առաջնությունը, որն այս տարի անց է կացվելու գերմանական Ռուպհոլդինգ քաղաքում Մարտի 1-11-ը։ Մինչ առաջնությունը մարզիկները կմրցեն նաեւ ֆիննական Կոնտիոլախտիում, որտեղ կանցնի 8-րդ էտապը։

Հիմա որոշեցի ամփոփել մինչ այս պահը գրանցված արդյունքները։՝

Մրցավազքներն ըստ քանակի՝

Sprint Pursuit Individual Mass Start Relay Mx. Relay
Men 7 5 2 3 3 1
Women 7 5 2 3 3 1

Կանանց ընթացիկ մրցաշարային աղյուսակը – TOTAL՝

Pos. Name Nat Score
1 Magdalena Neuner GER 816
2 Darya Domracheva BLR 795
3 Tora Berger NOR 681
4 Kaisa Makarainen FIN 679
5 Olga Zaitseva RUS 672
6 Helena Ekholm SWE 609
7 Andrea Henkel GER 562
8

Marie Laure Brunet

FRA 492
9 Marie Dorin Habert FRA 481
10 Olga Vilukhina RUS 461
77 Ekaterina Vinogradova ARM 7
87 Reka Ferencz ROU 1

Տղամարդկանց ընթացիկ մրցաշարային աղյուսակը – TOTAL

Pos. Name Nat Score
1 Emil Hegle Svendsen NOR 681
2 Martin Fourcade FRA 660
3 Andreas Birnbacher GER 607
4 Simon Fourcade FRA 489
5 Evgeny Ustyugov RUS 480
6 Arnd Peiffer GER 474
7 Tarjey Boe NOR 463
8

Carl Johan Bergman

SWE 450
9 Andrey Makoveev RUS 434
10 Benjamin Weger SUI 422
97 Roman Prima UKR 2

Կանանց «Ազգության գավաթի» ընթացիկ մրցաշարային աղյուսակը՝

Pos. Name Nat Score
1 Russia RUS 4944
2 Germany GER 4739
3 France FRA 4632
4 Norway NOR 4569
5 Belorus BLR 4458
6 Ukraine UKR 4090
7 Sweden SWE 3995
8 Poland POL 3919
9 Italy ITA 3770
10 Slovakia SVK 3451
28 Armenia ARM 621
31 Netherlands NED

185

Տղամարդկանց «Ազգության գավաթի» ընթացիկ մրցաշարային աղյուսակը՝

Pos. Name Nat Score
1 Russia RUS 4939
2 France FRA 4772
3 Germany GER 4683
4 Sweden SWE 4460
5 Norway NOR 4457
6 Austria AUT 4200
7 Czech Republic CZE 3993
8 USA USA 3774
9 Italy ITA 3752
10 Ukraine UKR 3562

Ամբողջական եւ մնացած աղյուսակներին կարող եք ծանոթանալ այստեղ

Կանանց աղյուսակներում  եթե նկատեցիք,  Հայաստանն էլ է նշվում։ Ցավոք․ մեր երկրում բացակայում է հետաքրքրությունը՝ նման հրաշալի սպորտաձեւի նկատմամբ։ Բայց մենք ունենք մի մարզուհի, ով ազգությամբ Ռուս է՝ Եկատերինա Վինոգրադովա։ Նա 2006 թվականին Թուրինի ձմեռային օլիմպիական խաղերում Բելորուսիայի հավաքականի հետ զբաղեցրել է 4-րդ տեղը – էստաֆետայում։ Տվյալ պահին նա զբաղեցնում է 77-րդ հորիզոնականը, սակայն նրա լավ ելույթների շնորհիվ Հայաստանը,ունենալով միայն մի մարզուհի, «Ազգության գավաթի» մրցաշարային աղյուսակում զբաղեցնում է 28-րդ հորիզոնականը՝ 621 միավորով։ Հուսով եմ Հայաստանում էլ այս սպորտաձեւը կզարգանա, եւ մենք հնարավորություն կունենանք հետեւելու հայ մարզիկներին։

Հուսով եմ չձանձրացաք թվաբանությունից ։Ճ ։ Դիտե՛ք բիաթլոն, եւ այն անպայման ձեզ դուր կգա։ Ես էլ կփորձեմ պարբերաբար ձեզ ներկայացնել հետաքրիր փաստեր, տեղեկություններ, վիճակագրական տվյալներ ու նորություներ։ Վերջում նկարներն իրենք «կխոսեն» բիաթլոնի գեղեցկությունից՝