Բլոգի Արխիվ

Մհեր եւ Ռազմիկ – Արեւամանուկի երգ

Բարեւ՛,

Նորից անչափ ուրախ եմ բլոգիս կառավարման վահանակից (dashboard) ողջունելու բոլորիդ :Ճ

Ուզում եմ ներկայացնել մի երգ, որն արդեն մի քանի օր է ինձ հանգիստ չի տալիս: Անընդհատ լսում եմ ու չեմ կշտանում: Խոսքը մեր շատ սիրելի «Լավ Էլի» խմբի անդամ Մհեր Մանուկյանի եւ մանկական «Новаяа волна» 2010 մրցույթի հաղթող Ռազմիկի «Արեւամանուկի երգի» մասին է: Խոսքեր չունեմ.  շատ լավ երգ է: Մհերի երգերն ինչպես միշտ հզոր են, իսկ Ռազմիկի կատարումը հանգիստ չի տալիս. ակամայից սկսում ես շարժվել, պարել…Ասել մեր մեծերի՝ «Էս երեխեն իրա մի կտոր հացը կվաստակի :Ճ»: Իհարկե նա ավելիին է արժանի ու կհասնի ավելիին, ես կասկած էլ չունեմ:

Մի խոսքով, շատ գրելու բան էլ չկա… ուղղակի լսել ու նայել է պետք: Հաստատ կհավանեք՝

Կցում եմ նաեւ երգի mp3 տարբերակն ու բառերը: Բառերն ինքս եմ «հանել», հնարավոր է, որ սխալներ լինեն: Խնդրում եմ նման բան հանդիպելու դեպքում գրել, որպեսզի փոխեմ:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Արեւամանուկի երգ (Մհեր Մանուկյան)

Թե մթնել է քո երկինքը լուռ, եւ դու կախել ես քիթդ ցած,

Թե ամեն ինչ դու տեսնում ես սեւ, թվում է  փուչ ու վերջացած,

Բարձրարայն կանչիր ինձ հինգ անգամ,

Հինգ անգամ կանչիր, ու ես կգամ, յեեե… օօօ

 

Կներկեմ նորից ես քո գորշ շորը ծիածան ներկով լուսե,

Ամպերի լավ թելերով էլ նուրբ հուսե շապիկ քեզ կհյուսեմ,

Բավական է կորանաս, ելք միշտ էլ կա,

Ինձ միայն կանչիր, ու ես կգամ, յէէէ… յոաէէէ

 

Թե բացվում են ծաղիկներն անկասելի խինդ ու ծիծաղով,

Թե ամեն ինչ տեսնում ես դու, ցնծում է,

Ու բացվում է դուռ, պատուհան, ՝դարպաս,

Ուրեմն ես գալիս եմ…  ա նամ նե նամ…

Հ.Գ. Forever Lav Eli, Forever Mher, Forever Razmik!!! Իսկ վերջում Ռազմիկի «Հաա՜յի» արտահայտությունը  sms- ի զանգ կարելի է սարքել :Ճ

“Enej” ռոք խմբի մասին

Բարեւ՛, բոլոր նրանց, ովքեր ինձ չեն ճանաչում, ասեմ, որ երաժշտության մեծ ֆանատ եմ եւ միշտ լավ երաժշտության ծարավ ունեմ: Միշտ նորության պրպտումների մեջ եմ: Ամեն անգամ, երբ մի նոր բան եմ հայտնաբերում, էնքան եմ ուրախանում, որ տանեցիք ակամայից տխրում են :Ճ, քանի որ սկսում եմ ժամերով իրենց գլուխները ցավեցնել գտածս նոր երգով, կամ էլ ինչպես շատ հաճախ է պատահում ամբողջ դիսկոգրաֆիայով: Շատ եմ սիրում ուսումնասիրել տարբեր ազգերի երաժշտությոններ՝ ֆոլք, կամ ֆոլքին մոտ բաներ: Հատկապես հաճելի է, երբ  հանդիպում են մի քանի ոճերի խառնուրդներ՝ գումարած ինչ-որ ազգային երանգներ:

Ահա եւ էս 2 օրը ընկերս լսացրեց լեհական “Enej” ռոք խմբի հայտնի երգերից մեկը: Կայֆ երգ էր: Միանգամից երեւաց, որ ալտերնատիվ ռոք ոճի մեջ էր: Սկսեցի միանգամից քչփորել համացանցում: Բանից պարզվեց, որ խումբը հիմնադրվել է 2002 թվին Պյոտր եւ Պավել Սոլոդուխ եղբայրների կողմից: Քանի որ խմբի անդամների մեծամասնությունը ուկրաինական արմատներ ունեն, երգերի մեջ կարելի է նկատել ուկրաինական ժողովրդական երաժշտության տարրեր: Դրանք շատ լավ համադրված են «Սքա», «Ռեգի » ու «Ջազզ» ոճերի հետ: Խումբը մինչ օրս թողարկել է 2 ալբոմ՝ “Ulice” (2008) ” եւ Folkorabel” (2010):

2 օր ա ինչ լսում եմ նրանց երգերը, բայց արդեն հարազատացել են ու հաստատ գրավեցին իրենց կայուն տեղը իմ ձայնադարանում:

Նրանց ովքեր սիրում են թեթեւի մեջ ռոք, սքա ու ռեգի, խորհուրդ եմ տալիս լսել ու թեթեւացնել ուղեղներդ: Շատ կայֆ խումբ ա, չեք փոշմանի: Մի քանի երգ տեղադրում եմ գրառմանս մեջ, իսկ բոլոր երգերը կարող եք ձեռք բերել  այս տոռենտի միջոցով: Իսկ եթե ավելին հետքրքրեց, կարող եք նաեւ այցելել խմբի պաշտոնական էջը :

Radio Hello (Folkorabel 2010)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Ballada O Pewnej Podrozy (Folkorabel 2010)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Hermetyczny Swiat (Folkorabel 2010)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Myla Moya (Folkorabel 2010)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Panstwo B (Folkorabel 2010)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Rahela (Folkorabel 2010)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Taki Kraj (Ulice 2008)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Odpusc sobie to (Ulice 2008)

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Լավ լուր Մոսկվայից՝ Որդան Կարմիրը հաղթեց

Ողջու՛յն,

Մի քանի րոպե առաջ մի շատ հաճելի եւ լավ լուր ստացա… «Որդան Կարմիր» ռոք խումբը Մարտի 14-ին (մի քանի ժամ առաջ) Մոսկվայի «PLAN B» ակումբում տեղի ունեցած «Emergenza» կենդանի երաժշտության միջազգային փաձատոնի 1/4 եզրափակիչ համերգում հաղթել է եւ անցել կիսաեզրափակիչ:

Համերգը շատ լավ է անցել: Խումբը հենց տեղում ստացել է Կիեւում համերգի հրավեր եւ 2 օրից մեկնում է Կիեւ: Հիշեցնեմ, որ Մարտի 20-ին Սանկտ Պետերբուրգի “VINYL STORY” ակումբում, իսկ Մարտի 21-ին Մոսկվայի “JAO-DA” ակումբում տեղի կունենան  խմբի մենահամերգները:

Տղաների տրամադրությունը շատ լավ էր, նրանք իրենց բարեւներն են փոխանցում բոլոր իրենց ճանաչողներին ու ընկերներին:

Խոստացան, որ շուտով նաեւ մեզ կուրախացնեն համերգի վիդեոներով ու նկարներով:

 

[jwplayer mediaid="780"]

Պետք է լինի այլ ճանապարհ (There must be another way)

Բարեւ՛, ինչ իմացել եմ, որ Հայաստանը չի մասնակցում այս տարի ԱԴՐԲԵՋԱՆՈՒՄ կայանալիք Եվրոտեսիլին, տեղս չեմ գտնում: Հա ասում էի գրեմ սրա մասին, բայց դե մի կերպ ինձ պահում էի, քանի որ չէի ուզում միշտ նեգատիվ ու բողոքողի տպավորություն թողնել: Բայց այս հոդվածը կարդալուց հետո չդիմացա. որոշեցի վսյո տակի մի 2 բան գրել սրա մասին:

Մեջբերում հոդվածից՝

Երգչուհի Նունե Եսայանի խոսքով` եթե այդ դեպքը չլիներ էլ, էլի այդ հայտարարությունը կարվեր. «Դեպքերը տարիներ շարունակ են եղել են, ու այդ ամենը բոլորովին կապ չունի մեր հայտարարության հետ։ Տեքստի մեջ նշվել էր, որ այսօր նման բան էլ է լինում, բայց հենց կոնկրետ այդ դեպքի համար չեմ ստորագրել ես։ Կոնկրետ ես ստորագրել եմ, որ ի սկզբանե դեմ եմ եղել, մինչև հիմա էլ դեմ եմ։ Այսինքն, ես ընդհանրապես դեմ եմ, որ մեր ազգից որևէ մեկը ոտք դնի այդ հարևան պետություն։ Նույնիսկ սպորտսմեններն էլ չպետք է գնան, իմ կարծիքով»:

Նունե Եսայանից «ՀԺ»-ն նույնպես հետաքրքրվել է, թե արդյոք ինքը զինվորի սպանության պատճառով պատրաստվու՞մ է բոյկոտել հայկական միջոցառումները. «Այնքան տենց բաներ կան, որ պետք է բոյկոտել։ Մենակ էս դեպքը չի։ Ուղղակի չգիտեմ, թե մեր փոքրիկ խումբը ինչքանով կարա ինչ-որ բա փոխի, բայց՝ իհարկե։ Կարելի է և այդպիսի բան անել։ Ամեն ամիս նման դեպք է գրանցվում, ամեն ամիս ինչ-որ մարդիկ նկատողություն են ստանում, հեռացվում են, բայց այս դեպքերը էլի կան։ Դա շատ վատ է, շատ»։

Առաջին հերթին ներվայնանում եմ այն բանից, որ մի քանի հոգի նստում ու որոշում են, ստորագրում են, վերջում էլ պեչատում են նման կարեւոր որոշումները: Այ ձեր ցավը տանե՛մ, էդ Եվրոտեսիլը հոմ մենակ ձեզ համար չի՞: Մենք ենք նստում գիշերվա ուշ ժամին նայում, բալետ անում , հետո փող ծախսում, քվեարկում սրա կամ նրա օգտին: Ժողովրդական արտիստներ ջա՛ն, բա ժողովուրդը իրավունք չունի՞ իր կարծիքն արտահայտելու: Չի կարելի չէ, մենք սրտատրոփ սպասում ենք Եվրոտեսիլին, մեկ էլ ՀՈ՛Պ, մի քանի երգիչներով դնում եք ու բոյկոտում:

Անցնենք առաջ: Մենք բոլորս էլ լավ տեսնում ու լսում ենք, թե ինչ ա կատարվում այսօր մեր բանակում, մանավանդ շփման գծում, հա՛, ցավոք, տարին դեռ չսկսած, արդեն շուրջ տաս ընտանիք ողբում է: Էդ մենք էլ ենք նկատում: Բայց երգիչներ ու երգչուհիներ ջա՛ն, էդ որ տենց բոյկոտեցիք, դրանից բան չփոխվեց: Հաստատ Ալիեւը դրանից սիրտը չբռնեց ու ասեց «Վե՛րջ, սրանից հետո ոչ մի կրակոց, ոչ մի սպանություն, ամեն ինչ լուծում ենք, որ հայերը գան Եվրոտեսիլ»: Տենց բան չկա՛, ձեր ցավը տանեմ: Ընդհակառակը, եղած լարվածություն էլ ավելի եք սրում: Համ էլ մեր բանակում ոչ միշտ են հակառակորդի գնդակից սպանվում, դե բա խոսացե՛ք, ինչի՞ չեք խոսում:Երբ բողոքի ցույցեր են լինում ինչի՞ չեք գալիս ու ասում ձեր բողոքի խոսքը: Երեւի սպասում եք, որ Հայաստանում Եվրոտեսլի լինի, դուք էլ բոյկոտեք :Ճ

Ամբողջ աշխարհը էսօր կոնֆլիկտի մեջ ա, նենց չի որ մենք միակն ենք: Բայց մշակույթն ու սպորտը մեծ գործիքներ են այդ կոնֆլիկտների լուծման համար: Օլիմպիական խաղերի ժամանակ դեռ էէէէէէէէէէէէէէէէէէէէէէէէէէէէն հին ժամանակներից դադարեցրել են պատերազմները: Եվրոտեսիլների միջոցով երկրներն անգամ քաղաքական ֆինտեր են անում: Օր՝ Թուրքիան մեզ բարձր ա գնահատել, որ Եվրոպայի աչքը մտնի եւ այլն…. Իսկ դուք դրել բոյկոտում եք: Քիչ չի բոյկոտում եք, հլա մի բան էլ սպորտսմեններին եք խորհուրդ տալիս.. ծըծըծը…

Հիմա մի քիչ հայրենասիրական մտնեմ, որ հանկարծ չմտածեք, թե էս տղեն «ազգի դավաճան» ա: (ի միջի այլոց այս պիտակն էլ եք դարձրել բերնի ծամոն, ով ում վրա հասցնում, առանց մտածելու կպցնում ա): Մենք սաղս պարծենում ենք, որ Բեռլինում քոչարի են պարել հայերը՝ ցույց տալով իրենց հզորությունը: Կռիվ գնալուց երգել են մեր նախնիները, երգով հաղթել ենք զենքին եւ այլն եւ այլն: Աաաաա,ստորագրելուց մոռացել էիք երեւի: Բա Բաքվում թնդացնեիք մեր երգերը, որ իմանան, որ «հային կոտրել չի լինի»: Լավ չի էլի… այ որ ժողովրդին հաշվի առնեիք, բալքիմ մարդիկ էլ հիշեցնեին ու խորհուրդ տային: Կամ էլ էնքան դեմք եղնեիք, դուք հաղթեիք, թող ազերիները մտածեին բոյկոտելու, կամ չբոյկոտելու մասին: Չեք կարում: Ստորագրողների մեծ մասը Եվրոտեսիլում մասնակցած «աստղերն» էին, որոնք գնացել ու չէին կարեցել հաղթել, իսկ հիմա էլ դրել ու բոյկոտել են:

[jwplayer mediaid="687"]

 

Վերջում էլ մի քիչ Եվրոտսիլի պատմությունից: 2009 թվականին Մոսկվայում տեղի ունեցավ Եվրոտեսիլի 54-րդ մրցույթը, որտեղ Իսրայելը ներկայացավ յուրօրինակ դուետով. Հրեա Նոան եւ արաբ Ավադ Միրան միասին ներկայացրեցին Իսրայելը Եվրոտեսիլում: Ավադ Միրան դարձավ առաջին արաբը, ով ներկայացրեց Իսրայելը Եվրոտեսիլում:

Շուրջ մեկ դար է, ինչ գոյություն ունի Իսրայել-Պաղեստինյան կոնֆլիկտը: 1948 թվականից մինչեւ 2009 թվականների ընթացքում զոհվել է շուրջ 14,500 մարդ: 1987 թվականից մինչեւ 2010 թվականը կոնֆլիկտային շրջաններում զոհվել են շուրջ 10.000 չզինված քաղաքացիներ, որոնցին շուրջ 2000-ը անչափահասներ են: Այդ թվերի աճը կանգ չի առել, կոնֆլիկտը լուծված չէ, բայց 2009 թվականին Եվրոտեսիլում երգի միջոցով փորձ արվեց հասկացնել 2 կողմերին եւ ամբողջ աշխարհին, որ «Պետք է լինի այլ ճանապարհ»՝ «There must be another way»՝

[jwplayer mediaid="690"]

 

Հ.Գ.  Աշխարհը խաղաղության կարիք ունի, ու դրան հասնելու համար Եվրոտեսիլներն ու դրա նման շատ միջոցառումները կատարում են ահռելի օգտակար աշխատանք: Ինչպես Իսրայելն ու Պաղեստինը, այնպես էլ մենք ու մեր «հակառակորդները» հոգնել ենք սպանելուց ու սպանվելուց: Պետք ա լինի ուրիշ ճանապարհ, բայց հավատացեք բոյկոտելն ու հակառակվելը չի: Ամեն բան պետք է օգտագործել՝ ի օգուտ կոնֆլիկտի խաղաղ կարգավորման:

Խաղաղությու՛ն բոլորիս