Իքնասիրահարվածություն…

Բարեւ՛, երկար ժամանակ ա էլի չեմ գրում, շատ գրելու բան կա, բայց մի տեսակ գրելս չի գալիս, ու ընդհանրապես , մի քիչ վատ շրջան ա ինձ մոտ… Հիմա էլ այն, ինչ կկադաք, նույնպես իմ գրածը չի, այլ իմ ամենամոտիկ ընկերնեից մեկի՝ Սերոբի գրածն է… Նյութը շատ ինֆորմատիվ է ու հստակ նակարագիր է տալիս տվյալ ուսումնասիրության օբյեկտ հանդիսացող մասսայի յուրաքանչյուր անհատին: Այս տիպի մարդիկ իրոք վտանգավոր են, իրենց հետ պետք է հնարավորինս առնչություն չունենալ… Ցավոք սրտի ես անձամբ մի որոշ ժամանակ առնչվել եմ նման «հիվանդ» հոգեբանության տեր մարդու հետ ու ասեմ, որ 100 եւ ավել տոկոսով համընկնում ա նյութի նկարագրին… Իրոք չարիք են նման մարդիկ, իրանք իրանց կաշին փրկելու համար պատրաստ են պղծել ցանկացած բան, ընդունակ են ամեն ինչի… ու ամենավատն էն ա, որ իրանց ինչքան ուզում ես ասա, որ իրանք վատն են, վատ բան են անում, մեկ ա, ցիրկի արջն ավելի շատ ա հասկանում, քան իրանց նման մեկը:

Մի խոսքով, հեռու տանից- տեղից, եթե նման մեկին էլ ռաստ կգաք, միանգամից առանց մտածելու ու վարանելու Ս****ր արե՛ք, թող գնան…

                                                 Ինքնասիրահարվածություն   

Զարգացման հոգեկան և մտավոր խանգարում, որը բնորոշվում է սեփական անձի յուրահատկության, իր հատուկ կարգավիճակի, մնացածների հանդեպ ունեցած առավելության մեջ ունեցած համոզվածությամբ, շրջապատողների կողմից անվերապահ դրական վերաբերմունքի մշտական ակնկալիքով, սեփական բացառիկության և նշանակալիության հանդեպ շրջապատի հիացմունքի պահանջով և ամեն գնով ուշադրության կենտրոնում լինելու ցանկությամբ: Այս շեղումն ունեցողներին հատուկ է ուրիշների հանդեպ կարեկցանք ցուցաբերելու անկարողությունը, վարքի ընդունված նորմերից ազատ լինելու չտրամաբանված ու ինքնանպատակ մոլուցքը ու այնպիս մտքերը, իբր շրջապատողները մշտապես հետաքրքրված են իր անձով ու նախանձում են իրեն:

Նման անձանց սուբյեկտիվ փորձը ներծծված է ամոթի զգացման ու ամոթ զգալու հանդեպ ունեցած վախի զուգակցմամբ: Ի տարբերություն մեղքի զգացման, որը կապված է այն զգացողության հետ, որ ինքը վատ է վարվել կամ վարվում, ամոթը նրանց մոտ շաղկապված է միայն այն զգացողության հետ, որ ինքը ուղղակի ընկալվո՛ւմ է որպես վատը, և որ իր՝ վատը լինելը արդյունք է ոչ թե սեփական արարքների, այլ մարդկանց սխալ վերաբերմունքի:

Այս խանգարումն ունեցողները հակված են արժեզրկել գործնականորեն ամեն ինչ, հընթացս իդեալականացնելով  այն ամենը, ինչն ասոցացվում է իրենց անձի հետ: Նրանք մեծ դժվարություններ են ունենում որևէ մեկին սիրել կարողանալու մեջ:

Համաձայն Քյորնբերգի՝ բնավորության նարցիստական գծերը ուժեղ ձևով հատվում են հիստերոիդ գծերի հետ, և, անձի՝ հիստերիկ բնույթի ծանր շեղումների դեպքում, այս և մնացած գծերը հանդես են գալիս մեկ ամբողջության մեջ:

Էգոիստի Ես-ը ձևավորված չէ: Նա դժվարությամբ է ընդունակ անձնային մերձեցման, ընդունակ չէ զիջելու, տեղի տալու, սիրելու, ինչպես նաև՝ խանդելու. իսկ եթե, այնուամենայնիվ, խանդ կա, ապա դա, ըստ էության, խանդ չէ, այլ սեփական անձի՝ սպասվածից պակաս արժևորման զգացում, և արթնանում է միայն այն փաստից հետո, երբ իր կողքի մարդիկ հայտնում են հարաբերություններին վերջ տալու մասին: Էգոիստին զուգընկերը պետք է որպես հայելի՝ իր անձի արտացոլման համար:

Այս շեղվածությամբ անձին ի հայտ բերելու մի քանի վստահելի ախտանիշ կա, որն արդյունավետ կիրառվում է հոգեթերապիայի մեջ.

* ուռճացված ինքնագնահատական

* սեփական գեղեցկության, խելքի ու հաջողությունների հանդեպ հիացմունք

* համոզվածություն սեփական բացառիկության մեջ:

* անընդհատ ու ամենուրեք (թեկուզ շինծու) հիացական խոսքերի ու դրվատական վերաբերմունքի պահանջ

* իր սխալները ներքուստ գիտակցելու, բայց հրապարակավ չընդունելու սկզբունք

* խորհուրդ հարցնելու կամ դրանք ընդունելու բարդութավորված անընդունակություն

* ինչ-որ առանձնահատուկ իրավունքներով օժտված լինելու երևակայություն

* մնացածի կողմից իր անձով հետաքրքրվելու ու նախանձելու կպչուն միտք

* մեծամիտ, սակայն իրականում ինքնահարգանքից զուրկ վարքագծի դրսևորում:

 

Հ.Գ. Դեռահասության շրջանում՝ դեռևս չձևավորված անձի պայմաններում, այս վարքագիծն ինչ-որ չափով օրինաչափ է: Սակայն արդեն սեռական հասունացումն ավարտված անձի դեպքում նման հոգեկերտվածքը հանդիսանում է լուրջ մտահոգության տեղիք:

 

Վերջում էլ սենց մի բան՝
Ինքնասիրահարված կանայք` Անկասկաց նրանք խնամված են և գեղեցիկ: Ինքնասիրահարված կանայք, որոնք ամեն ինչի (այդ թվում և բացասական արարքներ) պատրաստ են, որպեսզի իրենց հավանած տղամարդու կողքին հայտնվեն կամ արժանանան նրա ուշադրությանը և համակրանքին: Այսպիսի կանանց ոչինչ չի կանգնեցնի, ոչ այն որ տղամարդը ամուսնացած է, ոչ այն, որ իր ընկերուհու ընկերն է, ոչ էլ այն, որ սիրում է մել այլ կնոջ:
Այսպիսի կանայք սովորաբար եսասեր են և նրանց չի հետաքրքրում դիմացինի էմոցիաները:
Ինչո՞ւ են տղամարդիկ խուսափում ինքնասիրահարված կանանցից: Տղամարդիկ իրենք մեծ էգոիստներ են: Նրանք ենթագիտակցորեն զգում են, որ այսպիսի կանայք իրենց չեն սիրում, այլ սիրում են այն, թե ինչ կարող եք տալ նրան: Այսօր նա կարող է սեր խոստովանել, իսկ վաղը դուք նրան կհոգնեցնեք: Ոչ ոք չի ցանկանում ապրել անվերջ կասկածների մեջ:

Իհարկե տղամարդկանց մեջ կան ալտրուիստներ և էքստրեմալներ, բայց տղամարդկանց մեծ մասը կարիք ունի մեծ և անկեղծ կանացի սիրո և միայն այս դեպքում տղամարդը կպատասխանի փոխադարձաբար:

“VMware”, կամ համակարգիչ համակարգչի մեջ 2 (ինչպես օգտվել)

Բարեւ,

Իմ նախորդ հոդվածում ես ցույց տվեցի, թե ինչպես տեղադրել «VMware workstation» ծրագիրը Windows օպերացիոն համակարգի մեջ:

Իսկ այժմ ինչպես խոստացել էի ցույց կտամ ծրագրի հիմնական ֆունկցիաները եւ թե ինչպես ստեղծել վիրտուալ մեքենա (համակարգիչ)՝ իր օպերացիոն համակարգով: Օրինակս կբերեմ Doudou Linux -ով վիրտուալ մեքենա ստեղծելու վրա… Doudou-մասին կարդացեք այստեղ, ի դեպ այն շուտով կլինի նաեւ հայերեն:

Համարենք, որ ծրագիրն ու Doudou Linux ի ISO տարբերակը…Ուրեմն սկսեցինք՝

1. Ծրագիրն առաջին անգամ ակտիվացնելու ժամանակ մենք պետք է հաստատենք եւ կանոններն ու լիցենզիոն համաձայնությունը: (տես նկ.1)

նկ.1

2. Ծրագրի ակտիվանալուց հետո կբացվի դրա հիմնական պատոհանը, որտեղ տեղակայված են հիմնական ֆունկցիաները: (տես նկ.2)

նկ.2

Նկ.2՝

  1. Ստեղծել նոր վիրտուալ մեքենա
  2. Բացել արդեն գոյություն ունեցող վիրտուալ մեքենա
  3. Միանալ հեռավոր սերբերին
  4. Գոյություն ունեցող ֆիզիկական մեքենայից ստեղծել վիրտուալ մեքենա
  5. Վիրտուալ ցանցի խմբագրիչ
  6. Մեքենայի հատկությունները
  7. Ծրագրային թարմացումներ
  8. Օգնություն

3. Հիմա մեզ պետք է այդ մենյուից օգտագործել առաջին ֆունկցիան՝ Ստեղծել նոր վիրտուալ մեքենա (տես նկ.2 -ի համար 1 կոճակը)

Կարդալ ավելին »

“VMware”, կամ համակարգիչ համակարգչի մեջ 1 (տեղադրում)

Բարեւ՛,

Մենք բոլորդս գիտենք, որ յուրաքանչյուր համակարգիչ աշխատու է օպերացիոն համակարգերի շնորհիվ, օր՝ Windows, Linux, MacOS, FreeBSD, եւ այլն: Բայց հիմնականում մենք գործ ենք ունենում Windows-ի հետ: Սակայն լինում են դեպքեր, երբ մեզ պետք է լինում միաժամանակ համակարգչում ունենալ միանգամից 2, կամ ավելի օպերացիոն համակարգեր: Օր՝ Windows /Linux, Windows7 / Windows XP, Linux Ubuntu / Linux Arax եւ այլն:

Դա կարելի է անել 2 ճանապարհով՝

1) 2, կամ ավելի օպերացիոն համակարգերը կարելի է տեղադրել տարբեր կոշտ սկավառակներում, կամ մի կոշտ սկավառակի տարբեր հատորներում (partition): Այս դեպքում նրանցից 2-ն էլ կլինեն անկախ ու հիմնական համակարգեր:

2) Վիրտուալ համակարգիչների միջոցով:

Այսօր կկիսվեմ ձեզ հետ 2-րդ տարբերակի՝ համակարգչի վիրտուալացման , մասնավորապես «VMware Workstation»  ծրագրի մասին եւ ցույց կտամ, թե ինչպես կարելի է այն տեղադրել Windows ՕՀ-ի մեջ:

«VMware workstation»-ը դա մի ծրագիր է, որի միջոցով կարելի է մի համակարգի մեջ ունենալ միանգամից մի քանի վիրտուալ համակարգիչ՝ տարբեր օպերացիոն համակարգերով: Ավելին կարող եք ծանոթանալ պաշտոնական կայքում :

Այն վճարովի ծրագիր է, սակայն մենք հեշտությամբ կարող ենք համացանցից ձեռք բերել դրա ջարդած տարբերակները: Դրանցից մեկը, որն ինքս քաշել եւ հիմա օգտագործում եմ կարող եք քաշել այս տոռռենտ-ի օգնությամբ: Խորհուրդ եմ տալիս հենց այս տարբերակը, քանի որ հենց այդ տարբերակի տեղադրումն էլ հիմա ցույց կտամ: Որոշ  հակավիրուսային ծրարգեր կարող են ջնջել կամ վնասել բանալիների գեներատորը (keygen) , դրա համար խորհոււրդ եմ տալիս քաշելու եւ տեղադրելու ընթացքում հակավիրուսային ծրագիրն անջատած պահել:

Ի՞նչ է պահանջվում «VMware» տեղադրելու համար՝

  • ՕՀ – Windows, Linux
  • Պրոցեսոր – 1.3 ԳՀց եւ ավելի արագագործությամբ
  • Օպ. հիշ. (RAM) 1 ԳԲ, կամ ավելին (խորհուրդ է տրվում 2 ԳԲ, կամ ավելին)
  • Ազատ տեղ կոշտ սկավառակում – 1.5 ԳԲ, կամ ավելին

Պատկերացնենք, որ ունենք այն ամենն ինչ պահանջվում է, արդեն քաշել ենք համացանցից VMware ծրագիրն ու չենք համբերում, թե այն երբ պետք է պատրաստ լինի օգտագործման համար:

Սկսեցինք՝

1. Մուտք ենք գործում ներբեռնված ծրագրով պնակը (folder) եւ ընտրում ենք VMware Workstation 8.0.2 Build 591240.exe ֆայլն ու բացում այն… (տես նկ.1): Windows 7- ի դեպքում բացել ադմինիստրատորի կողմից (տես նկ.2)

նկ.1

նկ.2

2. Ծրագրի տեղադրման օգնականի ողջույնի պատուհանի հայտնվելուց հետո սեղմեք “Next”  (տես նկ.3)

նկ.3

Կարդալ ավելին »

«Lav Eli»-ն Վանաձորում

Բարեւ, երեւի չկա մի Լոնդոնցի , ով չգիտի «Փինք Ֆլոյդ» խմբին, կամ չի հպարտանում դրանով, կամ էլ մի Լոս Անջելեսցի, ով

Գոռ Մխիթարյան

չգիտի «Մեթալլիկա» -ին ու տենց շարունակ:  Ճիշտ է այս 2 խումբը մոլորակի գանձերն են, բայց հենց իրենց քաղաքի բնակիչների համար մի ուրիշ զգացողություն է այդ խմբերի հանդեպ, քանի որ հենց իրենց քաղաքում են ստեղծվել այդ գիգանտները…

Մենք էլ՝ Վանաձորցիներս, նույնպես ունենք պարծենալու շատ բան: Դանցին մեկը հենց «Լավ Էլի» խումբն է: Շատ է պատահել , որ ինչ-որ մեկի հետ ծանոթանալիս երբ ասել եմ, որ Վանաձորից եմ, միանգամից ինձ հարցրել ա, թե արդյոք «Լավ Էլի», կամ «Որդան Կարմիր» խմբին գիտեմ, թե ոչ: Մի ուրիշ զգացողություն եմ ապրում այդ պահին, մի տեսակ դզում ա էդ պահին, որ ես Վանաձորցի եմ :Ճ

Իրոք մենք միշտ էլ ունեցել ենք լավ ռոք խմբեր: Մեզ մոտ միշտ առնվազն մի «շնչող» խումբ կա… Կարծես հերթափոխի պես գալիս ու գնում են…

Հիշում եմ Վանաձորի երկաթուղայինների այգու ակումբի համերգները, երբ շատ հաճախ տանը խաբելով էի գնում, քանի որ փոքր էի ու տանեցիք էլ չէին թողնում ռոք լսեմ :Ճ Բայց մեկ ա մի ձեւ համոզում էի ու գնում էի:

Անցան տարիներ, մեծացանք, կյանքը փոխվեց, կասետները դարձան դիսկեր, հետո  ֆայլեր, ամեն ինչ հասանելի դարձավ.  մի խոսքով, կյանքը դարձավ քիչ թե շատ անհետաքրքիր: Ու հիմա չեմ զգում էն ժամանակվա կայֆը, մաքրությունն ու ջերմությունը:

Մհեր Մանուկյան

Երեկ այդ ջերությունն ու մաքրությունը մի քանի ժամով ետ վերադարձան «Լավ Էլի»-ի օգնությամբ: Հայքի հրապարակում  մեր հին ու սիրելի ռոք խումբը մի քանի տարով ետ տվեց ժամանակը: Ցավոք, այդ էմոցիաները չեմ կարող տեքստի միջոցով փոխանցել: Ամեն ինչ հրաշալի էր: Չեմ հիշում ինձ այդպես ուրախ: Տենց կտրված չկայի երբեք:

Մի բան հասկացա, որ ոչ մի տեղ ու ոչ մի դեպքում ես այդ ջերմությունը չեմ զգացել ու էլ չեմ զգա: Մեր քաղաքում մեր քաղաքի ՄԵՐ, ՄԵՐ , ՄԵՐ սիրելի խումբն էր համերգ տալիս: Ամեն ինչ մերն էր, մերոնցական էր, հավես էր, ջերմ էր, բարի էր:

Շնորհակալ եմ տղերքից, որ գոնե մի քանի ժամով ետ ֆռցրին ժամանակները, պարգեվեցին էդ հին թվերի էմոցիաները, շնորհակալ եմ իմ կողքին, իմ շուրջբոլորը տժժացող էն մասսային, որի համար իրոք մեր ռոքն ամենալավն ա…Շնորհակալ եմ բոլորից, բոլորից լավ օր պարգեւելու համար…

Վերջում էլ առանց գովազդային ենթատեքստի նշեմ, որ մեզ այդ հիանալի համերգը նվիրեց «Բիբլոս» բանկը՝ իր վանաձորյան մասնաճյուղի 1-ամյակի կապակցությամբ:

Լուսանկարները՝ Վադրինե Գրիգորյանի

 

 

Դմբուզիկները (խամյակներն են) տժժում են 18+ :ՃՃՃ

Բարեւներ բոկորին․․․ Հիշում ե՞ք խամյակներիս, որոնց ես մի ժամանակ պահում էի։ էն որ դաժե մի անգամ փախուստի էին դիմել, բայց բարեբախտաբար հայտնվեցին օրվա վերջին․․․ Մի խոսքով, իրանց ես նվիրել եմ ընկերներիցս մեկին, ու համար ի սկզբանե հենց գնել էի իրանց։ Իրանք էնտեղ իրենք շատ լավ են զգում, ահավոր մեծացել են։ Արդեն ապրում են ոչ թե 3 լիտրանով բանկայի մեջ, այլ մի մեծ ակվարիում ա հատկացված իրանց համար, ու իրանք լավ ազատ կարողանում են տժժալ․․․

Դե արդեն 40 օրականից էլ ավել են, իսկ դա նշանակում է, որ արդեն ժամանակն ա, որ ի հայտ գային իրենց սեռական բնազդները։ Իրանց բախտն ահավոր բերել ա , որ վերցնելիս առանց իմանալու տարբեր սեռի եմ վերցրել, այլապես լավ չէր լինելու իրանց գործը։ (մի տեսակ շատ եմ «իրենք, իրանց» բառերն օգտագործում, կներե՛ք ։Ճ)։ Բանից պարզվում ա , որ սեւ խամյակը տղա է (որձ), իսկ սպիտակն աղջիկ (էգ)։

Էս քանի օրը տեղի ա անեցել իրենց առաջին գիշերը ։Ճ ։ Ու այդ ամենը մի զավեշտալի վիդեոյի նյութ է դարձել։ 2-րդ րոպեից սկսվում  ա տժժիկները ։ՃՃՃ, իսկ վերջում սպիտակ խամյակն ուղղակի շեյխի կայֆեր ա անում ։ԴԴԴ

Հաջողություն եմ մաղթում իրենց, տեսնենք թե երբ ու ինչքան ձագեր կծնվեն ։ԴԴԴ

[jwplayer mediaid="1019"]