Բլոգի Արխիվ

Բիաթլոնն ավարտվեց

Ինչպես աշխարհում ամեն լավ բան, Բիաթլոնն էլ ունեցավ իր տրամաբանական ավարտը: Բայց եւ ինչպես եւ ամբողջ աշխարհում, ամեն լավ բանի ավարտ սկիզբ է մեկ այլ լավ բանի: Շուրջ 4 ամիս տեւացող աշխարհի գավաթի մրցաշրջանն ավարտվեց: Չգիտեմ, թե ձեզնից քանի հոգի է հետեւում այս գեղեցիկ ու անչափ հետաքրքիր սպորտաձեւին, ասեմ, որ ես այս 4 ամիսների ընթացքում հեռուստացույցից այն կողմ չեմ եղել: Մրցավազքերի 99 տոկոսը նայել եմ ուղիղ եթերով, եւ ընդամենը մեկ-երկու մրցավազք է, որ ինչ-ինչ պատճառներով դիտել եմ ձայնագրությամբ: Բայց այսօր իսկապես տխրեցի, որ էլ բիաթլոն չեմ դիտելու, էլ «բալետ» չեմ անելու իմ սիրելիներին, որոնց մասին ժամանակ առ ժամանակ խոստանում եմ գրել: Համ ես չեմ կարոտի, համ էլ միգուցե մինչեւ մյուս մրցաշրջանի սկսվելը բիաթլոնի նկատմամբ ձեզնից մի քանիսի հետաքրքրությունն էլ կավելացնեմ այդկերպ:

Դե ինչ, հիմա մի քիչ կփորձեմ իտոգներ անց կացնել: Մրցաշրջանը անց կացվեց 9 էտապներով , գումարած աշխարհի առաջնությունը: Ընհանուր առմամբ 10 էտապ: Այդ 10 էտապների շրջանակներում անց է կացվել 63 մրցավազք, որոնցից 52-ը անձնական, իսկ 11 -ը՝ թիմային: Աձնական մրցավազքերն են Սպրինտ, Հետապնդում, Ինդիվիդուալ եւ Ընդհանուր ստարտ, իսկ թիմայինները ՝ Էստաֆետա եւ Խառը էստաֆետա: Եւ այս 52 անձնական մրցավազքերում մարզիկների ու մարզուհիների գրաված տեղերին համապատասխան ստացված միավորների ընդհանուր քանակով կազմվում է Աշխարհի գավաթի ընդհանուր մրցաշարային աղյուսակը եւ առանձին մրցավազքերի մրցաշարային աղյուսակները: Այդպես որոշվում է աշխարհի գավաթի (Մեծ գլոբուսի) եւ առանձին ձեւերի (Փոքր գլոբուսների) հաղթողները: Իսկ թիմայինների համար էլ կազմվում է  հավաքականների մրցաշարային աղյուսակներ: Նաեւ գոյություն ունի ընդհանուր հավաքականների մրցաշարային աղյուսակ, որը կազմվում է տվյալ երկրի բոլոր մարզիկների ունեցած  հաջողությունների շնորհիվ:

Մի քիչ թվաբանություն ու ստատիստիկա՝

Ընդյանուր մրցավազքերի քանակը՝ ըստ ձեւրի

Sprint Pursuit Individual Mass Start Relay Mixed Relay
Men 10 8 3 5 4 3
Women 10 8 3 5 4

Կանանց ընհանուր մրցաշարային աղյուսակ TOTAL

Pos Name Nat Score
1 Magdalena Neuner GER 1216
2 Darya Domracheva BLR 1188
3 Tora Berger NOR 1054
4 Kaisa Makarainen FIN 1007
5 Helena Ekholm SWE 893
6 Olga zaitseva RUS 857
7 Marie Laure Brunet FRA 807
8 Andrea Henkel GER 806
9 Marie Dorin Habert FRA 749
10 Anastasiya Kuzmina SVK 721

Տղամարդկանց ընհանուր մրցաշարային աղյուսակ TOTAL

Pos Name Nat Score
1 Martin Fourcade FRA 1100
2 Emil Hegle Svendsen NOR 1035
3 Andreas Birnbacher GER 837
4 Arnd Peifer GER 736
5 Simon Fourcade FRA 716
6 Carl Johan Bergman SWE 685
7 Tarjei Boe NOR 680
8 Anton Shipulin RUS 697
9 Fredrik Lindstrom SWE 615
10 Michal Slesingr CZE 602

Տեսնել մնացած աղյուսակները

Այսպիսին էր Բիաթլոնի 2011 / 2012 մրցաշրջանը: Լեցուն էր ինտրիգով, մինչեւ վերջին վայրկյանն ընթացող խելահեղ պայքարով, որն երեւում է մրցաշարային աղյուսակներից: Վերին հորիզոնականներում հավասար պայքար էր մղվում ողջ մրցաշրջանի ընթացքում: Ինչպես եւ մյուս սպորտաձեւերում, աստեղ էլ նույնպես լինում են հայտնություններ, անակնկալներ, լինում են նաեւ հուսախաբություններ: Այս տարի եւս շատ դեբյուտանտներ ներխուժեցին համաշխարհաին բիաթլոն՝ զարմացնելով եւ՛ հանդիսականներին, եւ՛  իրենցից ավելի փորձառու մարզիկներին: Ցավոք, այս տարի իրենց պրոֆեսիոնալ կարիերան ավարտեցին կանանց բիաթլոնի վերջին տարիների թագուհի Մագդալենա Նոյները եւ աշխարհի բազմակի չեմպիոն,  աշխարհի նախկին գավաթակիր Հելենա Եքհոլմը: Նրանց հեռանալը իսկապես տխուր է, քանի որ այդ մակարդակի մարզուհիները միշտ էլ պետք եբ բիաթլոնի մասսայականացման եւ մակարդակի բարձրացման համար: Հուսով  եմ, որ նրանց տեղը շատ շուտով կզբաղեցնեն նորանոր ծագող աստղերը, ովքեր հաճելի ելույթներ ունեցան այս մրցաշրջանի ընթացքում:

Այսքանով էլ ավարտեմ բիաթլոնի մասին իմ հերթական գրառումը, բայց ինչպես խոստացել եմ՝ պարբերաբար կանդրադառնամ այս սպորտաձեւին:

Հատկապես շատ կգրեմ հետաքրքիր փաստեր Բիաթլոնի պատմությունից, լեգենդար մարզիկեների մասին, ներկայիս առաջատար մարզիկների մասին եւ այլն: Իսկ եթե ձեզնից որեւէ մեկին ավելի շատ բան է հետաքրիր, խնդրեմ, կարող եք հարցնել մեկնաբանություններով, կամ գրել miksentius@live.com հասցեին: Հաճույքով կկիսվեմ ունեցածս ինֆորմացիայով:

Դիտե՛ք Բիաթլոն, սիրե՛ք Բիաթլոնը,ապրե՛ք Բիաթլոնով:

Բիաթլոնը մի քիչ թվերով․․․

Բիաթլոնի 2011/2012 մրցաշրջանը հատեց իր եկվադորը։ 7 մրցափուլ արդեն անցյալում են։ Մարզիկներն ու մարզուհիներն արդեն անց են կացրել ընդհանուր թվով 42 մրցավազք, որոնցից 34-ը անձնական, իսկ 8-ը՝ թիմային։

Մրցաշրջանի 7 էտապները անց կացվեցին Օստերսունդ – Շվեդիա, Հոխվիլցեն – Ավստրիա 2 էտապ, Օբերհոֆ – Գերմանիա, Նովե Մեստո – Չեխիա, Անտհոլց – Իտալիա եւ Հոլմենկոլլեն – Նորվեգիա քաղաքներում։

Հետաքրքիր ու սուր մրցաշրջանի խելահեղ ընթացքին հետեւելը ուղղակի հաճույք է։ 2 ամսից ավել է , ինչ ես պարտաճանաչ կերպով «ճանապարհորդում » եմ նրանց հետ։ Ոչ մի մրցում բաց չեմ թողել։Անգամ մեծ զոհաբերությունների եմ գնացել, որպեսզի ոչ մի վայրկյան բաց չթողնեմ։ Բլոգիս ընթերցողները գիտեն, որ ես  սկզբում մեկնաբանում էի մրցավազքերը։ Եթե հետաքրքրեց, կարող եք կարդալ այստեղ ։ Սակայն հետո դադարեցի մեկնաբանել, քանի որ հիմա ես լիովին տրվում եմ էմոցիաներիս ու չեմ կարողանում ընթացքում շարադրել մտքերս։ Բայց մի այլ սովորություն եմ ձեռք բերել․ Հիմա էլ սկսել եմ Թվիթերով մեկնաբանել մրցումների ընթացքը։ Այս մեկն ավելի հետաքրքիր ու հավես ա, քանի որ քեզ հետ 100-ներով օգտատերեր էլ են գրառումներ անում, ու դու քեզ մենակ չես զգում։ Թվիթեր օգտագործողներին առաջարկում եմ հետեւել #biathlon հեշթեգին, ինչու չէ նաեւ ինձ :

Մրցաշրջանի ավարտին մնացել է մեկ ամսից մի քիչ շատ, եւ առջեւում տարվա գլխավոր իրադարձությունն է՝ Աշխարհի առաջնությունը, որն այս տարի անց է կացվելու գերմանական Ռուպհոլդինգ քաղաքում Մարտի 1-11-ը։ Մինչ առաջնությունը մարզիկները կմրցեն նաեւ ֆիննական Կոնտիոլախտիում, որտեղ կանցնի 8-րդ էտապը։

Հիմա որոշեցի ամփոփել մինչ այս պահը գրանցված արդյունքները։՝

Մրցավազքներն ըստ քանակի՝

Sprint Pursuit Individual Mass Start Relay Mx. Relay
Men 7 5 2 3 3 1
Women 7 5 2 3 3 1

Կանանց ընթացիկ մրցաշարային աղյուսակը – TOTAL՝

Pos. Name Nat Score
1 Magdalena Neuner GER 816
2 Darya Domracheva BLR 795
3 Tora Berger NOR 681
4 Kaisa Makarainen FIN 679
5 Olga Zaitseva RUS 672
6 Helena Ekholm SWE 609
7 Andrea Henkel GER 562
8

Marie Laure Brunet

FRA 492
9 Marie Dorin Habert FRA 481
10 Olga Vilukhina RUS 461
77 Ekaterina Vinogradova ARM 7
87 Reka Ferencz ROU 1

Տղամարդկանց ընթացիկ մրցաշարային աղյուսակը – TOTAL

Pos. Name Nat Score
1 Emil Hegle Svendsen NOR 681
2 Martin Fourcade FRA 660
3 Andreas Birnbacher GER 607
4 Simon Fourcade FRA 489
5 Evgeny Ustyugov RUS 480
6 Arnd Peiffer GER 474
7 Tarjey Boe NOR 463
8

Carl Johan Bergman

SWE 450
9 Andrey Makoveev RUS 434
10 Benjamin Weger SUI 422
97 Roman Prima UKR 2

Կանանց «Ազգության գավաթի» ընթացիկ մրցաշարային աղյուսակը՝

Pos. Name Nat Score
1 Russia RUS 4944
2 Germany GER 4739
3 France FRA 4632
4 Norway NOR 4569
5 Belorus BLR 4458
6 Ukraine UKR 4090
7 Sweden SWE 3995
8 Poland POL 3919
9 Italy ITA 3770
10 Slovakia SVK 3451
28 Armenia ARM 621
31 Netherlands NED

185

Տղամարդկանց «Ազգության գավաթի» ընթացիկ մրցաշարային աղյուսակը՝

Pos. Name Nat Score
1 Russia RUS 4939
2 France FRA 4772
3 Germany GER 4683
4 Sweden SWE 4460
5 Norway NOR 4457
6 Austria AUT 4200
7 Czech Republic CZE 3993
8 USA USA 3774
9 Italy ITA 3752
10 Ukraine UKR 3562

Ամբողջական եւ մնացած աղյուսակներին կարող եք ծանոթանալ այստեղ

Կանանց աղյուսակներում  եթե նկատեցիք,  Հայաստանն էլ է նշվում։ Ցավոք․ մեր երկրում բացակայում է հետաքրքրությունը՝ նման հրաշալի սպորտաձեւի նկատմամբ։ Բայց մենք ունենք մի մարզուհի, ով ազգությամբ Ռուս է՝ Եկատերինա Վինոգրադովա։ Նա 2006 թվականին Թուրինի ձմեռային օլիմպիական խաղերում Բելորուսիայի հավաքականի հետ զբաղեցրել է 4-րդ տեղը – էստաֆետայում։ Տվյալ պահին նա զբաղեցնում է 77-րդ հորիզոնականը, սակայն նրա լավ ելույթների շնորհիվ Հայաստանը,ունենալով միայն մի մարզուհի, «Ազգության գավաթի» մրցաշարային աղյուսակում զբաղեցնում է 28-րդ հորիզոնականը՝ 621 միավորով։ Հուսով եմ Հայաստանում էլ այս սպորտաձեւը կզարգանա, եւ մենք հնարավորություն կունենանք հետեւելու հայ մարզիկներին։

Հուսով եմ չձանձրացաք թվաբանությունից ։Ճ ։ Դիտե՛ք բիաթլոն, եւ այն անպայման ձեզ դուր կգա։ Ես էլ կփորձեմ պարբերաբար ձեզ ներկայացնել հետաքրիր փաստեր, տեղեկություններ, վիճակագրական տվյալներ ու նորություներ։ Վերջում նկարներն իրենք «կխոսեն» բիաթլոնի գեղեցկությունից՝

Նոյների հաղթական ռեւանշը…

Օստերսունդում ձյուն եկավ: Վեշրջապես բիաթլոնը ստացավ իր կատարյալ

Magdalena Neuner (ger) - Gold

գեղեցկությունը՝ մարզիկներին ապահովելով նաեւ բնական պայմաններ իսկական պայքար մղելու համար: Այսօր մրցուղում կանայք էին: Սպրինտ – մրցավազքում իրենց ուժերը չափեցին  96 մարզուհիներ: 7.5 կիլոմետր մրցուղի՝ 2 կրակային կետով: Անցած մրցման ոչ այնքնան լավ արդյունքներից հետո այսօր սպասվում էր ռեվանշների մի ամբողջ շարան: 

Այսօր մենք ուրախանալու մեկ այլ առիթ ունեցանք, քանի որ մարզուհիների մեջ նաեւ մեր Հայաստանի ներկայացուցչուհին էր հանդես գալիս: Ազգությամբ ռուս Եկատերինա Վինոգրադովան հայկական դրոշի ներքո մեկնարկեց 64-րդը: Ուրախության առիթը միայն նրա հանդես գալն էր, քանի որ 86-րդ արդյունքը միայն տխուր զգացումներ պարգեւեց:

Tora Berger (nor) - 2nd

Նորից ռուս կանայք հիասթափեցրին բոլորին: Նրանցից ամենալավ արդյունքներ ցույց տվեց Սվետլանա Սլեպցովան՝ 1 բաց թողնված թիրախով գրավեց 9-րդ տեղը:

Առաջին տասնյակը եզրափակեց ֆրանսուհի Մարի Դորան Հաբերտը: Ասեմ, որ այս մրցափուլում հաջող են հանդես գալիս Ֆրասիայի թե՛ տղամարդկանց, թե՛ կանանց հավաքականները՝ հատկապես կրակային պատրաստականությունը նրանց մոտ առաջիններից է:

Հարճելի զարմանք պարգեւեց նորվեգական բիաթլոնի ծագող աստղ Սենյովե Սոլեմդալը: Նրա 4-րդ արդյունքը հուսադրիչ էր նորվեգացիների համար:

Գերմանուհիների ելույթներից եւս կարելի է լուրջ հույսեր կապել հետագայի

Kaisa Makarainen (fin) - 3rd

համար: Հենկելը եզրափակեց լավագույն ութնյակը, իսկ հավաքականի մեծ մասը կարողացավ ապահովել կարեւոր միավորներ:

Դոմրաչեւան կրկին հեռու չգտնվեց: Այս անգամ բելոռուս չեմպիոնուհին բավարարվեց միայն 5-րդ հորիզոնականով, սակայն իր դիրքերը պնդեցրեց ընդհանուր մրզաշարային աղյուսակի 2-րդ հորիզոնականում:

Դե իսկ պատվո հարթակը ռեվանշային ստացվեց: Բրոնզը հասավ ֆինուհի Կայսա Մակարայնենին. որի արդյունքները ապացուցեցին, որ բազմափորձ եւ տիտղոսներով հարուստ վետերանը չի պատրաստվում հանձնվել:

Հարթակի 2-րդ աստիճանը նորվեգացի լեգենդ Տուրա Բերգերը ուղղակի խելահեղ արագությամբ խլեց բոլորից: Ինդիվիդուալը ձախողած նորվեգուհին այս անգամ թույլ  չտվեց գերազանցել իրեն:

Չեմպիոնական մեդալը իհարկե բոլորի կողմից սիրված եւ հիմնական ֆավորիտ Մագդալենա Նոյներին բարձրացրեց ընդհանուր մրցաշարային աղյուսակի 1-ին հորիզոնական: Գերմանական բիաթլոնի գեղեցկուհին ընդհամենը 0.2 վայրկյանով առաջ անցավ եւ կորզեց ոսկին: Սա նրա երկրորդ մեդալն է: Ինդիվիդուալում նա բրոնզին արժանացավ:

Վաղվա հետապնդումը անչափ ինտրիգային ու հետաքրքիր է լինելու, քանի որ ասօրվա արդյունքները շատ են խիտ: Մեզ սպասվում է խելահեղ մրցակցություն:

Վաղը տեղի կունենան օստերսունդյան մրցափուլի 2 եզրափակիչ մրցավազքերը:  Մեր ժամանակով 15:05-ին կմեկնարկի տղամարդկանց հետապնդում-վազքը, իսկ  17:20-ին հետապնդման դուրս կգան կանայք:

Դիտե՛ք Բիաթլոն, սիրե՛ք Բիաթլոնը,ապրե՛ք Բիաթլոնով:

Սկանդինավները պատվո հարթակին…

Շվեդական Օստերսունդում շարունակվում է Բիաթլոնի աշխարհի գավաթի առաջին մրցափուլը: Այսօր տղամարդիկ իրենց ուժերը

Carl Johan Bergman (swe) - Gold

չափեցին Սպրինտ-մրցավազքում: Այն իրենից ներկայացնում է 10կմ -անոց վազքուղի` 2 կրակակետերով: Եթե ինդիվիդուալ մրցավազքում կարեւոր է ամեն թիրախը, ապա այստեղ ավելի շատ վազքի մեջ է հաղթանակի գրավականը. Ամեն մի չփակած թիրախի համար մարզիկը ստանում է 150 մետրանոց տուգանային շրջան:

Մրցուղի դուրս եկան 103 մարզիկ: Այս անգամ եղանակն այնքան էլ վատը չէր ինչպես նապորդ մրցավազքի ժամանակ, այդ իսկ պատճառով էլ մարզիկներն էլ ավելի լավ դրսեւորեցին իրենց կրակային կետերում: Իդիվիդուալ վազքում իրենց անակնկալ վատ ելույթով զարմացրած նորվեգացիները այսօր փայլում էին ողջ մրցավազքի ժամանակ: Վատ չէր նաեւ չեխերի ելույթը: Առաջին մրցույթում արծաթե մեդալ նվաճած Միխալ Շլեյզինգերն ու նրա հայրենակից Յարոսլավ Սոխուպը մտան առաջին ութնյակի մեջ եւ մասնակցեցին “Ծաղկե միջոցառմանը”:

Այս անգամ եւս Ռուսաստանի հավաքականը ձախողեց մրցավազքը: Ամենալավ արդյունքը ցույց տվեց Անտոն Շիպուլինը` եզրափակելով լավագույն 30-ի ցուցակը: Իսկ մնացածները անգամ չկարողացան չեռք բերել գավաթային միավորներ, ոմանք անգամ զրկվեցին հաջորդ Հետապնդում-վազքից:

Tarjei Boe (nor) - 2nd

Հիմա անդրադառնանք առարջին տասնյակին:Այն եզրափակում է ավսրիացի Սվեն Գրոսեգերը:

Emil Hegle Svendsen (nor) - 3rd

Զարմանալի է ամերիկացի Լոուել Բեյլիի 5-րդ արդյունքը: Տասնյակում տեղավորված մարզիկները աչքի ընկան իրենց ճշգրտությամբ ` թույլ տալով առավելագույնը մեկ սխալ կրակային կետերում: Ֆրանսիացի Մարտին Ֆուրկադի 4-րդ տեղը ապացուցեց, որ նրա նախորդ հաղթանակը պատահական չէր, ինչպես մտածում էին շատերը: Նա հիանալի մրցակցություն ցուցաբերեց, բայց ցավոք այս անգամ հայտնվեց “փայտե մեդալակրի” դերում:

Ինչպես նշեցի` նորվեգացիների կտրուկ վերելքը, կամ, ավելի ճիշտ վերադարձը իրենց համար սովոր բարձունքներին, արտահայտվեց լեգենդար Բյորնդալենի 9-րդ, Սվենդսենի 3-րդ եւ Բյոյի 2-րդ տեղերով: Երիտասարդ նորվեգացիները այսօր վերցրեցին բրոնզն ու արծաթը` լուրջ հետապնդում առաջակելով ոսկե մեդալակիր շվեդ Կարլ Յոխան Բերգմանին: Բերգմանը հայրնենի մրցուղում խելահեղ վազք եւ հիանալի ճշգրտություն ցուցաբերեց ու հայրենակիցներին հաղթանակի բերկրանք պարգեւեց:

Այս արդյունքների հիման վրա էլ կիրակի օրը նրանք կհետապնդեն միմյանց օստերսունդյան եզրափակիչ մրցավազքում:

Հ.Գ. Հիշեցնեմ, որ վաղը մեր ժամանակով 17:20-ին մրցուղի դուրս կգան կանայք, որոնք իրենց ուժերը կչափեն Սպրինտ-մրցավազքում:

Դիտե՛ք Բիաթլոն, սիրե՛ք Բիաթլոնը,ապրե՛ք Բիաթլոնով:

Դոմրաչեւայի ոսկեզօծ մեկնարկը

Ավարտվեց կանանց ինդիվիդուալ մրցավազքը: Այն, ինչպես երեկվա

Darya Domracheva (blr) - Gold

տղամարդկանց ինդիվիդուալը, եւս լի էր անակնկալներով: Մրցուղի դուրս եկան 94 մարզուհիներ: Ցավոք, Շվեդական Օստերսունդում եղանակային պայնանները ոչ այդքան «բիաթլոնային» են վերջին օրերին: Այսօրվա քամին մի կողմ դրեց բոլոր սպասումները: Նորից կրակայինների անհույս վիճակագրությունը ցույց է տալիս, որ հիմնական ֆավորիտները ուղղակի չեն կարողանում ցույց տալ իրենց «սնայպերական» որակները: Այս անգամ մեզ զարմացրեցին Գերմանիայի, Նորվեգիայի եւ Ռուսաստանի մարզուհիները: Նրանց մեծամասնության արդյունքները չէին բավականեցնում անգամ առաջին տասնյակում հայտնվելուն: Գերարագ նորվեգացի Տուռա Բերգերը նման էր սկսնակ երիտասարդ մարզուհու: 6 բացթողում, 29-րդ տեղ, սա հաստատ Բերգերի համար չէ: Նույնը կարելի է ասել ռուս մարզուհիների մասին, նրացից ամենալավ ցուցանիշը Եկատերինա Յուռլովայինն է , որը 3 չփակած թիրախով եզրափակեց առաջին 10-նյակը: Մնացած ռուսները իրենց գտան տասնյակից դուրս, անգամ 65-րդ տեղում մենք տեսնում ենք Ռուսաստանի հավաքականի առաջատարներից մեկին՝ Սլեպցովային: Հայրենի հողի վրա իրենց անչափ լավ դրսեւորեցին Շվեդուհիները՝ Աննա Մարիա Նիլսսոնի գլխավորությամբ: Լավագույն տասնյակում կարելի է նկատել Ուկրաինացիներին, որոնք իսկապես լավ ելույթ ունեցան: Իսկ հիմա անդրադառնանք մեդալակիրներին:3-րդ տեղում մենք տեսնում ենք կանանց

Anna Maria Nilsson (swe) - 2nd

բիաթլոնի ամենագլխավոր ֆավորիտ գերմանացի Մագդալենա Նոյներին: Մի քիչ անսովոր է նրան տեսնել 3-րդ աստիճանին: Մրցուղու միջին հատվածում ոչ-ոք չէր կասկածում Նոյների հաղթանակին, բայց կանգնած դիրքի իսկական ձախողակ Նոյները վերջին կրակակետում թույլ տվեց 2 սխալ եւ հակառակորդներին տվեց հաղթանակի իրական շանս տվեց: Արծաթե մեդալին արշանացավ Շվեդուհի Աննա Մարիա Նիլլսոնը՝ ուրախություն պարգեւելով հայրենակիցներին: Նոյների թույլ տված սխալներից 100 տոկոսով օգտվեց Բելոռուսական բիաթլոնի աստղ Դարյա Դոմռաչեւան, ով անթերի անց կացրեց մրցավազքի երկրորդ կեսը եւ արժանի հաղթանակ տարավ: Մեկ անգամ եւս համոզվեցինք, որ ինդիվիդուալում

Magdalena Neuner (ger) - 3rd

հաղթում է նա, ով լավ է կրակում: Ինչեւէ , հաճելի մրցավազք էր՝ լի անակնկալներով ու լարված պահերով: Հուսանք ասյպիսի մթնոլորտ կտիրի ողջ մրցաշրջանի ընթացքում:

Կանանց բիաթլոնը մի քանի անգամ հետաքրքիր եւ գեղեցիկ է, քան տղամարդկանցը, քանի որ մրցուղի են դուրս գալիս թույլ սեռի ներկայացուցիչները, բայց ցուցաբերում են տղամարդկային ուժ ու անմոռանալի հզոր պայքար, որն ուղղակի հնարավոր չէ չդիտել:

Հ.Գ. Հիշեցնեմ, որ վաղը մեր ժամանակով 19:05-ին մրցուղի դուրս կգան տղամարդիկ, որոնք իրենց ուժերը կչափեն Սպրինտ-մրցավազքում:

Դիտե՛ք Բիաթլոն, սիրե՛ք Բիաթլոնը,ապրե՛ք Բիաթլոնով: