Ռոմի կատվի ու պատժելու մասին

Բարեւ Ձեզ: Էսօր իմ թամբլրի բլոգի հին գրառումներից մեկն եմ հիշել: Որոշեցի ռիփոսթ անել Էս բլոգ, քանի որ բան ունեմ ասելու դրա մասին: Նախ կարդացեք, վերջում կգրեմ ասելիքս:

“Իմ ընկեր Ռոմանը շատ էր
image

սիրում կատուներ: Վերջերս փողոցից մի փոքրիկ փիսո էր նկատմ տուն, որպեսզի քիչ թե շատ բավարարի իր մեջ եղած “մեծ սերը” կատուների նկատմամբ:

Ռոմանն այնքան էր կապվել կատվի հետ, որ առիթը բաց չէր թողնում խոսելու կատվի մասին, պատմելու, թե ինչ լավն ու խելոքն էր նա: Մենք էլ, ճիշտն ասած, մի քիչ հումորով էինք մոտենում այդ ամենին: Քանի որ չէինք պատկերացնում, որ Ռոմանը կարող է սիրել ինչ-որ կենդանու, հոգալ նրա մասին եւ այլն…

Մենք նրան ձեռք էինք առնում, խարազանում էինք նրան եւ մեղադրում կատվի ատամները հանելու մեջ: Նա ամեն անգամ մեզնից նեղանում էր, բայց մենք դրան բանի տեղ չէինք դնում ու նորից շարունակում էինք դաժանորեն ձեռք առնել նրան:

Մի օր տղաներով գնացել էինք Ռոմանի տուն: Շատ լաաաաավ փիսիկ էր՝ փափուկ ու նուրբ: Բայց ասեմ, որ մի տեսակ տարօրինակ կատու էր, քանի որ աննպատակ վազվզում էր տան մեջ՝ կարծես ինքն իր ետեւից ընկած լիներ:Ամբողջ գիշեր խաղացինք նրա հետ ու եկանք տուն: Դրանից հետո մենք մի քիչ զգուշորեն էինք կատակում Ռոմանի հետ, քանի որ արդեն մեզ էլ էր տհաճ լինում անգամ մտածել այդ փիսիկի ատամները հանելու մասին:

Այսօր իմացա, որ Ռոմանի կատուն պատահաբար մտել էր լավացքի մեքենայի մեջ ու քնել: Ռոմանն էլ չի նկատել այն եւ միացրել է մեքենան ու…..

Հիմա տխուր-տխուր գրում եմ այսքանը, որպեսզի մի փոքր ցրվեմ այդ տհաճ մտքերից: Մեղկ էր կատուն: Խեղճը դեռ նոր էր սկսել խելքի գալ, ու ամեն ինչ այդքան դաժան ստացվեց:

Հիմա պատկերացնում եմ ընկերոջս վիճակը ու վայրկյան շուտ ցանկանում եմ տեսնել նրան ու ներողություն խնդրել այն անիմաստ հումորների համար: Սա մեզ մեծ դաս կլինի, որ այլեւս այդպիսի վատ հումորներ չանենք, քանի որ վաղ թե ուշ մենք կքաղենք այդ հումորի դառը պտուղները: Ինչ – որ մեկը մեզ հաստատ կպատժի…

Կներե՛ս, Ռոման ջա՛ն”

Սենց բաներ էլ են լինում ժող ջան: Իսկ պատժելու մասին նախադասությունը մի այլ տիպի բացեց: Կապվաց ա մի հատ իրական դեպքի հետ, որը գավոք չեմ կարող գրել, բայց իմ ընկերներից շատերը կջոկեն, թե ինչն ի նկատի ունեմ. :ՃՃՃ
Մենակ մի բան կասեմ, Ասել մեր Հայկոյի, մենք արդեն դժողքում տեղ ունենք բրոնյա արած. :Դ
Մի քիչ անկապ ստացվեց, կնեյեք. :Դ

Breaking bad – Во все тяжкие – Ամբողջ ծանրությամբ (Tv series)

Բարեւ բոլորին՝

Ներողություն եմ հայտնում պասիվությանս համար: Ինչ արած , մի քիչ ծույլ եմ էս հարցերում: Քանի դեռ Հին Նոր տարին չի Breaking Badանցել, շնորհավորում եմ բոլորիդ Նոր տարին, ցանկանում ամենալավն ու բարին…

Էսօր կխոսեմ  մի սերիալի  մասին, որն ինձ խորհուրդ է տվել դիտել իմ լավ ընկերներից մեկը՝ Դավիթը, ինչի համար անչափ գոհ եմ իրենից: Ու մնացածին էլ խնդրում եմ լավ սերիալ հանդիպելու դեպքում ժլատություն չանել ու առաջարկել այն, քանի որ շատ եմ սիրում լավ ֆիլմեր ու սերիալներ:

Մի խոսքով. Սերիալի անունը «Breaking bad» (Во все тяжкие / Ամբողջ ծանրությամբ*) է, որը պատմում է քիմիայի ուսուցիչ Ուոլթեր Ուայթի (Bryan Cranston)մասին, ով 50 տարին նոր բոլորած՝ իմանում է, որ ունի թոքերի չարօրակ քաղծկեղ եւ ունենալով ֆինանսական ու կենցաղային խնդրիներ, հաշմանդամ երեխա եւ 2-րդ երեխային սպասող կին, որոշում է զբաղվել մետանֆիտամինի պատրաստմամբ, որպեսզի լուծի իր բոլոր խնդիրները: Նա սկսում է համագործակցել իր նախկին աշակերտներից մեկի՝ Ջեսի Փինքմանի (Aaron Paul)հետ, ով նույնպես զբաղվում էր մետանֆիտամինի պատրաստմամբ: Սակայն թմրանյութերի դեմ պայքարի բաժնի կատարած օպերացիաներից մեկի Bannerընթացքում ձերբակալում են նրա գործընկերոջը , որից հետո էլ ուսուցիչն առաջարկում է համագործակցել…Այսքանը սյուժեից…

Սերիալը եթերում է 2008 թվ-ից , այժմ ընթանում է 5-րդ եթերաշրջանի ցուցադրությունը, որի առաջին 8 էպիզոդները ցուցադրվել են 2012-ին, իսկ երկրորդ 8 էպիզոդները կցուցադրվեն այս տարի: Ավելի շատ ինֆորմացիա կարող եք գտնել այստեղից ու այստեղից:

Հլա որ 2 էպիզոդ եմ դիտել, ու ասեմ, որ շատ հեշտ ա նայվում: Դպրոցում քիմիա առարկան չեմ սիրել :Ճ, բայց ինձ թվում ա սրա միջոցով գոնե մի քիչ կհետաքրքրվեմ: Դե էլ բան չեմ ասի, փոխարենը սա կփակեմ ու կանցնեմ նայելու :Ճ :

Ում հետաքրքրեց, ուզում ա նայի, խնդրեմ՝ սա օնլայն տարբերակը, իսկ ով էլ սովորություն ունի քաշի նոր նայի , խորհուրդ եմ տալիս փնտրել այստեղ:

* Վերնագրի հայերեն թարգմանությունն ուղղակի թարգմանություն է, ով ունի ավելի լավ առաջարկ, խնդրում եմ քոմենթել.

Հաջողություն…

Մհեր եւ Ռազմիկ – Արեւամանուկի երգ

Բարեւ՛,

Նորից անչափ ուրախ եմ բլոգիս կառավարման վահանակից (dashboard) ողջունելու բոլորիդ :Ճ

Ուզում եմ ներկայացնել մի երգ, որն արդեն մի քանի օր է ինձ հանգիստ չի տալիս: Անընդհատ լսում եմ ու չեմ կշտանում: Խոսքը մեր շատ սիրելի «Լավ Էլի» խմբի անդամ Մհեր Մանուկյանի եւ մանկական «Новаяа волна» 2010 մրցույթի հաղթող Ռազմիկի «Արեւամանուկի երգի» մասին է: Խոսքեր չունեմ.  շատ լավ երգ է: Մհերի երգերն ինչպես միշտ հզոր են, իսկ Ռազմիկի կատարումը հանգիստ չի տալիս. ակամայից սկսում ես շարժվել, պարել…Ասել մեր մեծերի՝ «Էս երեխեն իրա մի կտոր հացը կվաստակի :Ճ»: Իհարկե նա ավելիին է արժանի ու կհասնի ավելիին, ես կասկած էլ չունեմ:

Մի խոսքով, շատ գրելու բան էլ չկա… ուղղակի լսել ու նայել է պետք: Հաստատ կհավանեք՝

Կցում եմ նաեւ երգի mp3 տարբերակն ու բառերը: Բառերն ինքս եմ «հանել», հնարավոր է, որ սխալներ լինեն: Խնդրում եմ նման բան հանդիպելու դեպքում գրել, որպեսզի փոխեմ:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Արեւամանուկի երգ (Մհեր Մանուկյան)

Թե մթնել է քո երկինքը լուռ, եւ դու կախել ես քիթդ ցած,

Թե ամեն ինչ դու տեսնում ես սեւ, թվում է  փուչ ու վերջացած,

Բարձրարայն կանչիր ինձ հինգ անգամ,

Հինգ անգամ կանչիր, ու ես կգամ, յեեե… օօօ

 

Կներկեմ նորից ես քո գորշ շորը ծիածան ներկով լուսե,

Ամպերի լավ թելերով էլ նուրբ հուսե շապիկ քեզ կհյուսեմ,

Բավական է կորանաս, ելք միշտ էլ կա,

Ինձ միայն կանչիր, ու ես կգամ, յէէէ… յոաէէէ

 

Թե բացվում են ծաղիկներն անկասելի խինդ ու ծիծաղով,

Թե ամեն ինչ տեսնում ես դու, ցնծում է,

Ու բացվում է դուռ, պատուհան, ՝դարպաս,

Ուրեմն ես գալիս եմ…  ա նամ նե նամ…

Հ.Գ. Forever Lav Eli, Forever Mher, Forever Razmik!!! Իսկ վերջում Ռազմիկի «Հաա՜յի» արտահայտությունը  sms- ի զանգ կարելի է սարքել :Ճ

Ես, Թռչկանը, Քրիստոֆն ու «Մարսելյեզը»

Բարեւ,

Ուղիղ մեկ տարի առաջ այս օրը՝ Նոյեմբերի 3-ին ՀՀ վարչապետը կառավարության նիստում հայտարարեց Թռչկանի ջրվեժին հատուկ պահպանվող տարածքի ստատուս տալու մասին՝ վերջ դնելով բնապահպանական պայքարի այդ մասին: Այսօր մեր տարելիցն է: Թռչկանն իրոք մեծ հաղթանակ էր, չնայած որ մասշտաբները փոքր էին: Շնորհավորում եմ բոլոր «Թռչկանցնիներին» հաղթանակի առթիվ:

Այսօր ես եւ կանադացի Քրիստոֆը, ով նույնպես մեր խելքի մարդ է ու ժամանակին պայքարել ու մինչեւ հիմա էլ պայքարում է բնության ամեն մի մասնիկի համար Կանադայում, գնացինք Թռչկան: Քրիստոֆին անչափ հետաքրքրեց Թռչկանի դեպքը, քանի որ Կանադայում նրանք նույնպես պայքարում են հենց ՀԷԿ-ի կառուցման դեմ, որը կանադական կառավարությունը կառուցում է՝ էլեկտրաեներգիան տեղի հանքերից մեկին էժան վաճառելու համար:

Շատ լավ հիշողություններ արթնացան: Մտովի վերհիշում էի Չիչխանի ձորի յուրաքանչյուր մետրը: Ճանապարհին Քրիստոֆին պատմեցի շարժման ողջ ընթացքը: Շատ ուրախացել էր, որ մեզ մոտ հաջողվել էր անել այն, ինչ ցավոք իր երկրում դեռ չի ստացվում անել: Հիացած էր բնությամբ, ամեն քայլափոխի ցանկանում էր կադր վերցնել:

Ճանապարհին տեղի ունեցան մի քանի զվարճալի դեպքեր: Օրինակ մեզ հանդիպեց Շիրակամուտի (Նալբանդ) գյուղացիներից մեկը, ով ձորում գոմ էր կառուցում: Ցանկություն հայտնեց մեքենայով տանել, բայց քանի որ մեր հիմնական նպատակը քայլելն էր, մենք շնորհակալություն հայտնեցինք ու հրաժարվեցինք: Սակայն Ուստա Լալիկը խնդրեց, որ մենք հետդարձի ճանապարհին կանգ առնենք իր մոտ: Իհարկե համաձայնեցինք ու շարունակեցինք ճանապարհը: Արդեն ջրվեժ հասնելուն մի քանի հարյուր մետր էր մնում, երբ հանդիպեցինք «Հայանտառի» ներկայացուցիչներին, որոնց հետ նույնպես մի քանի բառ փոխանակեցինք: Պարզվեց, որ նրանք ծառ տնկելու մտադրություն ունեն եւ ուսումնասիրում էին տարածքը: Ճիշտն ասած այդ մարդիկ կասկածեցին Քրիստոֆի վրա :Ճ Պատճառը Քրիստոֆի ռուսերենի լավ իմացությունն էր: «А не слишком ли хорошо для канадца говоришь по русский?», -մեր զրուցակիցներից մեկը բազմանշանակ հարցրեց Քրիստոֆին :Ճ Իրանք մտածեցին, որ եթե կանադացին շատ լավ ռուսերեն գիտի, ուրեմն էդտեղ մի բան էն չի:  Վերջը…

Ջրվեժի մոտ ամեն ինչ կայֆ էր: Ինչպես միշտ մեր Չիչխանի գեղոցկուհին իր ողջ հմայքի մեջ էր: Ֆռֆռացինք, Քրիստոֆին ցույց տվեցի մեր ճամբարի տեղը, հետո իջանք ջրվեժի տակ, ոտքերներս դրեցինք ջրի մեջ. անտանելի սառն էր: Մի քիչ հմայվեցինք ու հետ եկանք:

Իհարկե, ինչպես խոստացել էինք, հետդարձին կանգ առանք Ուստա Լալիկի մոտ:  Կրակի մեջ խորոված կարտոշկա կերանք: Ալիկը պատմեց իր պլանների մասին: Գոմ էր սարքում, մեկ էլ հանգստանալու տեղ: «Я здесь хочу рай построить!» ,- այդպես կարճ ու կոնկրետ ներկայացրեց իր հզոր նպատակը: Լալիկը մեզ հյուրասիրեց իր խոստացածը ՝«Ախպերն ախպորը չի տա» թթի օղին: Խոսքեր չկան…շատ լավն էր: Նկարվեցինք իրենց հետ ու ճամփա ընկանք: Մնացած ճանապարհն արդեն օղու ազդեցության տակ էր, դրա համար մանրամասները չեմ հիշում: Միայն հիշում եմ, որ Քրիստոֆն օղու ազդեցության տակ մի քանի անգամ գոռալով «Մարսելյեզ» երգեց: Նենց որ  Ֆրանսիայի պետական հիմնը հնչեց նաեւ Չիչխանի ձորում :Ճ Կարդալ ավելին »

Մեդվեդեւ – Ցուկերբերգ հանդիպում (բոցեր)

Այսօր տեղի է ունեցել Ռուսաստանի վարչապես Դ. Մեդվեդեւի ու «Ֆեյսբուք» սոց. ցանցի հիմնադիր Մարկ Ցուկերբերգի հանդիպումը: Մի քանի բոց էդ թեմայով:

Բոց #1

Մ. – Արա որ սաաբշենիա եմ ուղարկում, ինչիչես պատասխանում, հն՞

Ց. – Ապ ջան դե խառն եմ եղնում, շատ վախտ կոմպի դեմ սկի ես չեմ եղնում, դրա համար: Համ էլ տես քեզ համար նվեր եմ բերել:

Մ. – Ի՞նչ նվեր

Ց. – Էն խոստացածս մայկեն եմ բերել՝ քո էջի լինքով:

Մ. – Ապրես ազիզ, ես էլ ասի օդ-օդ խոստացար, չես անի:

Բոց #2

Մ. – Ազիզ մի հատ ֆեյսի պրոֆիլ կա, կարաս լոմես?

Ց. – Ախպեր չէ էլի, վախում եմ, կարող ա կագեբեն բռնի

Բոց #3

Մ. – Մարկո ջան մի հատ նայի էլի, էս հեռախոսս բարախլիտ ա անում, հայերեն տառերը չի բացում, էն Տիգրան Սարգսյանը բան ա գրում չեմ կարում կադամ

Ց. – Դիմո ջան լավ էլի, էդ հայերենը ստեղս ա հասել արդեն… հեսա կզանգեմ Գուգլի տղերքին, թող մի հատ թափով նայեն:

Բոց #4

Մ. – Ախպեր արի մի բան ասեմ ականջիդ…

Ց. -  Ասա ախպերս

Մ. (ականջին) – Ախպեր էդ ճիշտ ա՞ , որ Պուծինը ֆեյք պրոֆիլ ունի ֆբ-ում, աղջկեք ա կպցնում:

Ց. Հա ախպեր, վայթեմ ունի, բայց իրան չասես, որ ասել եմ, թե չէ…

Բոց #5

Մ. – Ախպեր դու սկայպ կարում ես չէ՞ նստացնես

Ց. Ազիզ, իմ կոպմը Գեյթսն ա գալիս դզում- մզում, անծիվիրուս ա բան ա…եթե պետք  ա ասեմ, գա նստացնի:

Բոց #6

Մ. – Ախպեր մի բան ասեմ, բայց չնեղանաս. Կոստով նատուրի բացում ես :ԴԴԴԴԴԴ

Ց. Հա լաավ, ինչ մի ղժժում ես, հեսա կհանեմ էլի…

Վեջում

Մ. – Էսօր իրիկունը բան չպլանավորես, գնանք մի տեղ նստենք.

Ց. – Եղավ վրչո ջան, ոնց ասես

Մոտավորապես սենց մի հատ խոսակցություն կարա եղնի, երբ կամերաներ չեղնեն ինձ թվում ա :ՃՃՃՃՃ